ТЕГ-ын дарга асан Б.Хурцын нялуун зургуудаас

ХУРЦ ГЕНЕРАЛЫН АНХААРАЛ ТАТАЖ БАЙСАН ҮЙЛДЛҮҮД

Б.ХУРЦЫГ 2019 ОНЫ ДӨРӨВДҮГЭЭР САРЫН 23-НЫ ӨДӨР ЦАГДАН ХОРИВ

Эрүүдэн шүүсэн асуудалтай холбогдуулан ТЕГ-ын дарга асан, генерал Б.Хурцыг хорих 461 дүгээр ангид цагдан хорилоо. С.Зориг агсны хэргээр ял эдэлж буй Т.Чимгээ, Б.Содномдаржаа нарыг эрүүдэн шүүсэн хэргээр ийнхүү таван албан тушаалтан цагдан хоригдоод байна.

 

Түүнийг гүйцэтгэх ажиллагаа болон хууль тогтоомж зөрчсөн гэх асуудалд буруутган, хойшлуулашгүй арга хэмжээ авч хорьсон гэдгийг Цагдаагийн ерөнхий газрын хэвлэл мэдээллийн төвийн дарга Б.Баатархүү мэдээллэсэн. Тэгвэл Б.Хурц нь ТЕГ-ын дарга Б.Гэрэлийн зөвшөөрөлгүйгээр мэдүүлэг өгөхөөс татгалзаад байна гэсэн мэдээлэл ч цуурлаа. Тиймээс түүнийг үргэлжлүүлэн, 15 хоног саатуулан шалгахаар боллоо.

Б.ХУРЦЫГ БНСУ-Д СУУХ ЭЛЧИН САЙДААР ТОМИЛОХ ГЭЖ ҮЗЭВ…

Тагнуулын ерөнхий газрын даргаар ажиллаж байсан хошууч Генерал Батын Хурцыг 2017 оны 11 дүгээр сард Монгол Улсаас БНСУ-д суугаа Онц бөгөөд Бүрэн Эрхт Элчин сайдаар томилуулах саналыг УИХ-д оруулсан.

Ерөнхий сайд У.Хүрэлсүхийн тэргүүлсэн Засгийн газраас өргөн мэдүүлсэн уг саналыг тухайн үед УИХ-ын Аюулгүй байдал, гадаад бодлогын байнгын хорооны хуралдаанаар БНСУ-д суух Элчин сайдаар томилох гэж буй Б.Хурцын асуудлыг хэлэлцэн дэмжиж байв. Энэ асуудлыг чуулганы нэгдсэн хуралдаанаар хэлэлцэн гишүүдийн олонхийн дэмжлэг аваагүй унасан юм.

Б.ХУРЦ: “ЦААШ НЬ ЯРИХ УУ, ЯАХ УУ?

Б.Хурц байнгын хорооны хуралдааны үеэр нэр бүхий улс төрчдийг барьж алдуулан, “Цааш нь ярих уу, яах уу” гэж бардамнаж байв. ТЕГ-ын дарга, АТГ-ын дэд даргаар ажиллаж байх хугацаандаа улс төрчдийн сайн, муу бүхий л зүйлийг гартаа атгасан нэгэн гэгдэж, монголын томоохонд тооцогддог улс төрчид түүний өмнө амаа үдүүлж байв.

Ямар байлаа ч Б.Хурц бол “Хурц” билээ. Б.Хурцыг шалгаснаар олон асуудлыг ээдрээ тайлагдаж, МАНАН бүлэглэлийн нууцууд зад үсрэх үү.

ФРАНЦ УЛСААС ИРГЭН Д.ЭНХБАТЫГ ХУЛГАЙЛЖ АВЧ ИРЭВ…

– С.Зориг агсны хэрэгт холбогдуулан Франц улсаас иргэн Д.Энхбатыг хулгайлж авчирсан дуулиант үйл ажиллагаанд Б.Хурц оролцсон байдаг. Энэ хэргээс болж түүнийг Английн Хитроу нисэх онгоцны буудалд албан ажлаар буухад нь Д.Энхбатыг хууль бусаар хулгайлсан хэргээр нь баривчлаж байсан юм.

Б.ХУРЦ САРНАЙХ ХОРООЛЛЫН ХАМГААЛАГЧДЫГ ЗОДОЖ БАЙВ…

– 2006 онд Б.Хурц өөрийн амьдардаг Сарнайх хорооллын хамгаалагчыг зодож танхайрсан учраас цагдаад дуудагдаж асуудал болж байжээ. Гэсэн ч хэсэг хугацааны дараа эл хэрэг нь тодорхой бусаар чимээ намжиж, хэрэгсэхгүй болгосноор зодооны асуудал цэглэгджээ.

Б.ХУРЦ Х.БААТАРЫН АВЛИГЫН ХЭРГИЙГ ИЛРҮҮЛЖ БАЙВ…

Б.Хурц сөрөг тагнуулд байхдаа Гаалийн ерөнхий газрын дарга асан Х.Баатарын авлигын хэргийг илрүүлэн цагдаагийн байгууллагад шилжүүлж, уг ажлыг удирдаж тухайн үедээ жинхэнэ шуугиан тарьж явсан.

– 2002-2004 онд Монгол Улсаас БНУУ-д суугаа ЭСЯ-ны 1-р нарийн бичгийн даргаар ажиллаж байх үедээ тэрбээр тамхины контрбанд хийж байсан гэх мэдээлэл байдаг.

– Б.Хурц ТЕГ-ын Сөрөг тагнуулын хэлтсийн даргаар ажиллаж байх үедээ бусдаас хахууль авсан, гүйцэтгэх ажлын хууль тогтоомж зөрчин, М.Энхболд болон УИХ-ын гишүүн асан У.Барсболд нарыг хууль бусаар тагнаж, чагнасан гэх хэрэг мандаж байсан удаатай.

ХУВААЛЦАХ

ТОД ТУСГАЛ