Зурхайн орд болгон мөнгө зарцуулах өөрийн гэсэн онцлогтой байдаг. Зарим нэг нь мөнгө болгоныг тооцож, бүх л зардлаа бүртгэж байдаг бол нөгөө хэсэг нь хөлс хүчээ шавхан байж олсон мөнгийг үл ялих хэрэгтэй хэрэггүй зүйлд зарах ба үүндээ ер санаа зовохгүй байх нь бий. Зурхайн ордууд мөнгийг яаж, юунд зарцуулдаг вэ?

1. Хонь

Энэ ордын хүмүүс санхүүгийн хувьд нилээд замбараагүй, бас мөнгөний төлөө айхтар зүтгээд байдаг хүмүүс биш. Гэнэтийн, сэтгэлийн хөөрлөөр юм худалдан авах нь тэдний татгалзаж чаддаггүй зүйлсийн нэг.

2. Үхэр

Энэ хүмүүст дэлгүүрээс юм худалдан авах гэдэг бол спорт, аялал зэрэг олон зүйлийг орлох дуртай зүйл нь байдаг. Тэд талх авахаар дэлгүүр гараад, үдэшлэгийн даашинзтай буцаж ирэх нь байдаг л зүйл.

3. Ихэр

Энэ ордын хүмүүс маш өглөгч, бас хөнгөн бодолтой. Тэд мөнгийг ямар ч харамсах зүйлгүйгээр үрэх бөгөөд цалин авсан өдрөө түүнийгээ тэр чигт нь үрчих явдал олон тохиолдоно.

4. Мэлхий

Тэд таалагдсан зүйлээ авалгүй татгалзаж чадах боловч дараа нь үүндээ харамсдаг. Гэхдээ ийм зан чанарынхаа ачаар тэд үргэлж мөнгөтэй байдаг.

5. Арслан

Тэд юм худалдан авч байгаа болон худалдаж авахаар сонголт хийж байгаа тэр явцаасаа таашаал авдаг байна. Гэхдээ арслан нь өөрийн биш, хүний мөнгийг үрэх нь их бөгөөд түүнийг тойрон хүрээлж, бишрэн шүтэгч олон байдаг хойно аргагүй байх.

6. Охин

Энэ ордны хүмүүст мөнгө нэг их чухал зүйл биш учир мөнгийг тэд ямар нэг бодолгүйгээр үрэх нь их. Гэхдээ тэд дэмий зүйлд мөнгө зарах биш харин хамгийн хэрэгтэй зүйлдээ мөнгөө зарлагаддаг онцлогтой.

7. Жинлүүр

Тэд мөнгөнд маш дуртай, гэхдээ аливаа зүйл худалдан авахдаа үргэлж эргэлзэнэ. Энэ үнэ нь бодит үнэ мөн болов уу? Яг таарах байгаа? Арай өөр хямдхан орлуулчих юм олдох болов уу? гэх мэт.

8. Хилэнц

Хилэнцийн ордныхон нилээд өглөгч бас төдий хэмжээгээр мөнгөнд хянамгай ханддаг байна. Тэд ойр дотны хүмүүсээ бэлгээр баярлуулах дуртай байдаг ч тэрхүү бэлгийг авахын тулд олон янзын хувилбарыг бодож тунгаан, хамгийн ашигтайг нь сонгодог. 9. Нум Ийм хүмүүс мөнгийг өөрийнхөө хоббид үрэхдээ тун ч дуртай. Аялал, хоол хийх сургалт, концерт зэрэг бусад зугаа цэнгэл бол тэдний зардлын ихэнх хэсгийг эзэлдэг зүйлс юм.

10. Матар

Тэд мөнгийг маш сайн цуглуулах ба цуглуулсан мөнгөө дараа нь жинхэнэ хэрэгтэй эсвэл удаан хүлээсэн зүйлсдээ зарцуулна. Тэд хямд үнэтэй гурав дөрвөн цамц авахын оронд чанартай, нэртэй брэндийн нэгийг авахыг илүүд үзнэ.

11. Хумх

Хумх бол сэтгэлийн хөдлөл. Тэд ямар нэг чухал зүйл авах гэж мөнгө хурааж чаддаггүй, худалдан авах зүйлийнхээ тухай буурьтай бодно ч гэж үгүй. Хүслээ – худалдаж авлаа.

12. Загас

Ямар нэг зүйл худалдан авахынхаа өмнө бүх л сайн болон муу талынх нь тухай боддог хүмүүс бол загасны ордын хүмүүс юм. Гэхдээ энэ нь хувцсанд хамаагүй бөгөөд учир нь эмэгтэй загас бол жинхэнэ загварлаг хүмүүс.

Та мөнгөтэй хэрхэн харьцдаг вэ? Таны хариултыг коммент хэсэгт хүлээж байх болно шүү!