Хүн болгоны сэтгэлийг зовоож буй Цагаан тахал буюу хар тамхины эсрэг сэтгүүлч Б.Төрмөнх  ‘Бүсгүй’ цуврал зохиомж  бичиж эхэлсэн байна. Уг цувралын гуравдугаар хэсгийг хүргэж байна. 

/…үргэлжлэл/
… Машинд ухаангүй хэвтэх Зулааг нэгэн нѳхѳр ѳргѳж аваад байрны подвол руу оров. Англиар ярилцах хүмүүст хүлээлгэж ѳгѳѳд буцаж гарахаасаа ѳмнѳ ‘наадхандаа ахиад нэг хийчхээрэй’ гээд  тариатай шингэн ѳгѳѳд гарлаа. Зулаа бага зэрэг сэргэх шиг болоод эргэн тойрноо харавал элдэв янзын сувенэр ѳлгѳсѳн ѳрѳѳнд байх нь тэр. Хоёр харийн хүн бас нэг Монгол инээлдэн хѳзѳр тоглож тамхи татацгааж байв. Хажуугийн ширээнд мариухан болон ѳѳр хэд хэдэн тѳрлийн мансууруулах бодис байлаа. Мѳн бэлэн мѳнгѳ ѳѳр нэг ширээнд ѳрѳѳстэй. Гэнэт хаалга тогшиход нэг залуу нь Зулааг ѳргѳж аван ѳѳр ѳрѳѳрүү оруулаад судас руу нь нѳгѳѳ шингэн зүйлийг хийгээд хаалгаа түгжин гарлаа.
Гаднаас хоёр залуу нэг бүсгүй орж ирэн хар уутанд боодолтой мѳнгѳ ѳгѳѳд зѳрүүлээд хоёр жижиг ууттай мансууруулах бодис аван гарахдаа гурвуулангийнх нь нүдэнд гэрэл цацрах шиг болж инээлдэхийг тэдэнд тус зүйлийг ѳгсѳн залуу хараад толгой дохив. Гарсных нь дараа
– За ингээд энэ гурав бидний гарт орлоо. Манай үйлчлүүлэгчид нэмэгдэж байна шүү. Харин зарим нэг хүмүүс мѳнгѳндѳѳ нурмайгаад байдаг боллоо. За энэ ч яахав. Нээрээ энэ охиныг түрүүн тѳрсѳн ѳдрѳѳс нь урхидаж авсан. Одоо хэсэг мансууруулж донтуулах хэрэгтэй байна. Тэгээд нѳгѳѳ байр руу аваачина. Удахгүй хэсэг жуулчид ирэхээр нь амсуулах шинэ шѳлтэй боллоо шүү  хэмээн маасайтал чанга ярилцав. Нѳгѳѳ гадаад гэж харсан хоёр хүмүүс Монголоор сүрхий ярих ажээ. Тэр хоёр Англи болон Францаас гадаад хэл заахаар ирсэн багш нэрээр халхалсан хар тамхи мансууруулах бодисын наймаачид байжээ.
***
Зулаагийн тѳрсѳн ѳдрѳѳс хойш 7хоножээ. Гэр бүл найз нѳхѳд нь хайж эрэл болон цагдаагийн байгууллагад хандан олон нийтийн мэдээллийн хэрэгсэл гээд зарлаж болох бүх зүйлсээр зарлан хайсаар л. Тѳрсѳн ѳдѳр тэмдэглэж хамт байсан найзуудынх нь нэг гэнэт
-Нээрээ би Зулааг хайж гарахад байхгүй байсан. Гэхдээ нэг машин хѳдѳлж байсан гэж цагдаад хэлээд тѳрсѳн өдѳр болсон газар руу очиж камер шүүхэд зѳвхѳн машин хальт харагдаад ѳнгѳрсѳн ч дугааргүй машин байсан тул арга мухарджээ. Энэхүү хэргийг аван ажиллахаар болсон Нийслэлийн Цагдаагийн газрын ахлах мѳрдѳн байцаагч, хошууч Анар гэх залуу баранд тухайн ѳдѳр болсон бичлэгийг үзэхээр камеруудыг шүүж эхэллээ. Маш нарийвчлалтай удаан анхаарч үзэж байтал нэг залуутай текны дэргэд уулзаж байхыг харжээ. Удалгүй тэд барнаас гараад тэгээд ѳѳр бичлэг харагдсангүй. Гэвч залуу  камерын эсрэг сууж байсан тул царайг нь харж чадаагүй ч эхний ээлжид хувцас биеийн ѳндѳр зэргийг баримжаалан тэмдэглэн авч үлдэв.

3 хоногийн дараа Зулаагийн аавыг дуудан хэдэн зүйл тодруулан тэмдэглэл хѳтлѳѳд Хошууч Анар  хоёр цагдаагийн хамт мѳрдлѳгѳнд гарав. Тэрээр эхний ээлжинд нѳгѳѳ баранд бармен болон зүсээ хувирган ажиллахаар болоод нѳгѳѳ хоёроо зѳѳгч болгожээ. Ийнхүү хэд хоног ажиллаж байгаад тус барны бие засах ѳрѳѳнд мансууруулах бодис солилцон наймаалдгийг мэдэж авсан ч, түр зуур азнан улам их баримт цуглуулж цаад хүмүүс хэн бэ гэдгийг мэдэхээр шийджээ….
/Үргэлжлэл бий…/
2019*09*26
Б.Тѳрмѳнх