Монголын эмэгтэй зохиолчдын энэ цаг үеийн төлөөлөл болсон Бямбаагийн Сарантуяа “Самар хатан” романыг уншигч түмэнд хүргэсэн нь олны таашаалд нийцсэн, шилдэг борлуулалттай бүтээл болсон билээ.  15-р зууны эхэн үе алтан ургийн угсаа залгамжлагч Элбэг нийгүүлсэгч хаан хайрт охин Самар гүнжээ хүнд өгөхөөр харийн нутагт мордуулаад байсан ч удалгүй түүнийг буцаан авч ирэх зарлиг буулгаснаар энэ романы үйл явдал эхэлнэ. Самар гүнжийг эргэн ирэхэд Элбэг хаан хилсээр хороосон шадар туслахынхаа хүү Батулагаас уучлал хүсэн охиноо өгөхөөр шийдсэн байв. Ийн хайртай хүндээ очих замаасаа буцаагдан ирсэн залуу бүсгүй сэтгэлгүй хүнтэйгээ эвлэрэх аргагүй болоход хааны ордноос оргон зайлах гэж оролдох боловч Батула түүнд татгалзах аргагүй санал тавьснаар үйл явдал цааш үргэлжилнэ…

Гайхалтай энэхүү бүтээл тэгвэл сонсох хувилбараар гарсан байна. Эхний бүлгийг хүргэж байна.