Сайжруулсан шахмал түлш хэрэглэсний улмаас угаарын хийд хордсон гэх дуудлага мэдээлэл өдөр ирэх тусам нэмэгдэж байгаа тухай мэдээлэл цацагцаад байна. Мөн угаартаж нас барсан иргэдийн тоо нэмэгдсэн гэх мэдээлэл бий. Угаартсан иргэдийн тоог НЭМҮТ нэгтгэж буй бөгөөд уг төвөөс өнөөдөр /2019.10.08/ 13.30 цагт нэгдсэн дүнг танилцуулах юм байна. Урьдчилсан байдлаар “Өнгөрөгч шөнө олон дуудлага ирээгүй. Найман дуудлага ирээд буцсан. Харин өнөөдөр өглөө 09.00 цагаас хойш байдал өөр болсон. Дүнг нэгтгэж байна. Удахгүй мэдээлэл өгнө” гэж НЭМҮТ-ийн тандалт шуурхай удирдлагын дарга Р.Даваадорж мэдээллээ.

Үүссэн нөхцөл байдалтай холбоотойгоор түлшийг хэрхэн түлэх тухай зөвлөмжийг хүргэж байна.