Өнөөдрийн Үндэсний шуудан сонинд

‘Хан-Уул дүүргийн нутаг дэвсгэр дэх “Дөрвөн улирлын цэцэрлэг” хэмээх оффисын байранд нэр бүхий бизнесмэн, УИХ-ын гишүүнтэй нийлж мөрийтэй тоглож байгаад АТГ-ынханд баригджээ. АТГ-ын мөрдөн байцаагчид нийслэлийн прокурорын зөвшөөрөлтэй гэмт хэрэгт холбогдож байгаа нэгэн хүнийг баривчлахаар тусгай ажиллагаа хийсэн байна. Ингээд байгаа газрыг нь олж тогтоон баривчлах ажиллагааг хийжээ. Мөрдөн байцаагчид тус компанийн таван давхрын өрөөнд орох үед том ширээн дээр хөзөр, хясаа, их хэмжээний мөнгө байсан гэнэ.

Мөн УИХ-ын нэр бүхий хоёр гишүүн баривчлан саатуулах гэж байсан хүнтэй хамт мөрийтэй тоглоод сууж байжээ. АТГ-ынхан дээрх асуудлыг баримтжуулан Эрүүгийн цагдаагийнханд өгөөд байна.

Цагдаа нар дээрх хэргийг шалгаж байгаа эсэх нь өнөөдрийг хүртэл тодорхойгүй байна. Өөрөөр хэлбэл, УИХ-ын хоёр гишүүн мөрийтэй тоглож байсан хэргийг цагдаа нар нам дараад өнгөрөөх гэж байгаа гэх мэдээллийг зарим эх сурвалж өгч байгаа юм.’ гэх мэдээлэл гарсан.

Тэгвэл мөрийтэй тоглож байсан гишүүд нь Х, М  гэх мэдээлэл байна.

УИХ-д Х үсгээр эхэлсэн нэртэй :

Д.Хаянхярваа
Ч.Хүрэлбаатар

М үсгээр эхэлсэн нэртэй:

Л.Мөнхбаатар
Ж.Мөнхбат
Ц.Мөнх-Оргил
Г.Мөнхцэцэг
Д.Мурат гэсэн гишүүд байдаг.

Тэд эхнээсээ мөрийтэй тоглоогүй гэдгээ мэдэгдэж байна. Тухайлбал Ж.Мөнхбат, Д.Хаянхярваа нар өөрсдийн цахим хуудсаараа дамжуулан мэдэгдэл хийлээ.