Фото модель Зулгэрэл ээжүүдэд зөвлөв

“Камертон” хамтлагийн дуучин Мээдээгийн “Mi Amor” дууны цуврал клипэнд тоглож байсан загвар өмсөгч бүсгүй Зулгэрэл залуу ээж нарт зөвлөжээ.


Тэрээр “Анх хүүхэдтэй болоод гадаа салхилангаа аав ээжийнхээ гэрт очоод сэтгүүл эргүүлээд хүүгээ хөхүүлээд сууж байхад Эмч аав маань (2аав 2 ээжтэй учир тодруулж хэллээ) надад маш хэрэгтэй зүйл хэлж билээ.

Зулаа чи хүүхдээ хөхүүлж байхдаа зүгээр хүүхдээ л хөхүүл наад сэтгүүл мэтгүүлээ дараа нь үз! Хүүгээ өхөөрдөөд миний хүү сүүгээ уугаад эрүүл чийрэг мундаг сайхан хүү болоорой, ухаантай сайн хүү болоорой гэх мэт сайн сайхан зүйл бодож яг анхаарлаа хүүхэддээ төвлөрүүлж илж тэвэрч мэдэрч бай гэж хэлж байсныг нь би маш сайн тусгаж авсан.

Энэ нь зөвхөн аавын харсан сэтгүүл унших төдий зүйл байгаагүй аав Рентгены эмч байсан болохоор байнга юм залгисан хатгаа авсан гэх мэт хүүхдүүд оношлуулдаг, тэгээд ээж аавууд хариуцлагагүйгээс болж ингэсэн байна гээд л надад дандаа тэр талаар ярьж өгдөг, (би багадаа шөнө дандаа аавтайгаа хамт эх нялхас руу дуудлаганд явдаг охин байсан кккк) Хүн нэгэнт хүүхэдтэй болъё гээд шийдсэн бол хүүхдээ л бодож хайрлаж хоёргүй сэтгэлээр хүүхдээ харах ёстой! хүүхдээ ядаж 2 нас хүртэл нь өөрөө харсан нь дээр гээд л лекц их уншдаг байсан.

Хувийн бизнес эрхэлдэг байсан болохоор үе үе хүүхдүүдээ орхиж ажилдаа явдаг байсан ч аавынхаа хэлсэн хоёргүй сэтгэлээр хүүхдээ хар гэдэг үгийг байнга бодож хичээж байсан. Үүгээр юу хэлэх гэсэн бэ гэхээр залуу ээжүүд хаа нэг хурдан турмаар байна, ажилдаа ормоор байна, сургуульд сурмаар байна гэж яардаг санагддаг, нэг юмнаас ганцаараа хоцроод үлдээд байгаа юм шиг. бусад хүмүүс нь хөгжөөд, ажиллаад, өнгө ороод л ккк

Гэхдээ үгүй шүү гэртээ хүүхэдтэйгээ байгаа эргэж олдохгүй сайхан үеэ жаргаад өнгөрүүлээрэй зулзгуудынхаа өсөж торниж буй үеийг хамт байж өнгөрүүлээрэй бас гэрт байхдаа хөгжих арга замууд зөндөө байдаг шүү дээ амжуулъя гэвэл. Гэлээ ч Дараа нь өөртөө гаргах цаг зав зөндөө олддог юм байна лээ бас нэг удаа аавын ажил дээр очиход нэг эгч доктор хамгаалах гээд завгүй хүүхдээ асрагчаар харуулсан нь хатгаа авцан их хүнд байсан манай аав өөрийнх охин юм шиг л нөхөртэй нь хамт зогсооцон нилээн ширүүн Чиний доктор болох хүүхдээс чинь чухал уу хэдхэн сартай хүүхдээ хүнээр харууллаа гээд загнаж байсныг хараад гайхаад хүүхэд их л чухал юм гэж бодож билээ Бомбоок гэдсэнд 1настай байхад” гэжээ.


Зулгэрэлийн хувьд нас залуу ч гурвын гурван хүүхэдтэй өрх толгойлсон ээж билээ. Тэрээр загвар өмсөгч О.Мөнхдалайтай гэрлэж байсан юм.