Т.Дэлгэрмөрөн талийгаач Б.Мөнхтуяагийн нөхөрт ил захидал бичжээ

Г.Эрдэнэбаяр залууд хаяглах нь

Өнөөдөр яагаад ч юм би чиний дотор орчихсон юм шиг зүрх хөндүүрлээд болдоггүй ээ.Арга ядаад цахим хаягаараа хэрэг болох хэдэн үг хэлье гэж хичээлээ.

Залуу минь хүн төрөлхтний хийж гүйцэтгэж чадахгүй зүйл гэж байдгийг ухааран хүлээн зөвшөөрч ,гашуудаж шаналж байгааг чинь би биш бид хамгаас илүү ойлгож хамтдаа сэтгэл зүрхэн дотроо ихэр татаж байгааг минь хүлээн авна уу‼
Бид ийм олуулаа билээ.

Удаан тэмцэж хичээсэн гэдгийг чинь бид мэдэрч байна.Гэвч ийм удаан байж болох бүх цаг хугацаанд нь чамайг гэр бүлийнхээ хамтаар ханийн үүргийг тултал гүйцэтгэж хайртай гэдгээ зөндөө хэлсээн гэдэгт найдаж байна.

Одоо нэг зүйлийг бодож зүрхээ жаахан аргадаарай.Учир нь тэр ахиад өвдөж зовохгүй шанлахгүй болсон шүү дээ.Бусдыг нь бурхан мэдэж байгаа.Цаашаа бишгүйдээ л их уйлна бас ганцаардана.Гэвч тэвчихээс өөр ямарч арга байхгүй.Цаг хугацаа л чи биднийг эмчилдэг юм билээ.

-Биеэ яаралтай үзүүл оношлуул. Учир нь чи өөрөө түүний дайтай бас эд эсээрээ хохирсон байгаа.

-Арга ухааныг гэтэлгэж тайвшруулах лам багш найзтай бол.Сэтгэл амгалан бол ухаан саруул байна.

-Архи дарснаас өөрийгөө бүр мөсөн чөлөөлж охин үртэйгээ зөв амьдрах төлөвлөгөө зохио.

-Мэдээж хүндэтгэлийн хугацаа барагдах мөч хүртэл өөрийгөө шаналгахгүй байлгаж завгүй байхыг хичээ.Бусад нь аяандаа бүтнэ.Учир нь бурхад цаг нь болсоныг мэдрүүлж чамд болоод охин үрд чинь та хоёрыг баярлуулж ,дахин баялаг амьдралыг дүүргэх сахиусан тэнгэрийг илгээх болно.

Амьдрах ямар сайхан болохыг залуу минь чи ойлгосон.Амьд байх ямар үнэтэй билээ бурхан минь.Хүн эртдээ оройдоо заавал энэ бүхнийг ухаардаг.Гэвч эрт мэдэрсэн хүн хожим зовлонг туулахдаа бэлтгэгдсэн баатар болдог гэдгийг ухаарах мөч ямар гоё гээч.Яагаад гэвэл бидний юуг туулж тэсэж давсан гэдгийг бурхан өөрөө хүлээн зөвшөөрч эргээд хайрладаг шүү.
Өөдрөг байгаарай залуу минь.Юунаас ч чи одоо айхгүй болсон.Яагаад гэвэл бид чамтай хамт.Харин одоо чиний бусдад туслах цаг ирлээ шүү.

МУСТА Т.Дэлгэрмөрөн