Мобиком Корпораци нь 1996 онд үйл ажиллагаагаа эхлүүлсэн анхны үүрэн телефон  холбооны оператор компани юм. “Мобиком” корпорацийн талаарх гомдол, шүүмжлэл сүүлийн хэдэн жил тасралтгүй гарсаар байна. Тиймээс ч “Мобиком”-оос зарим иргэд татгалзаж эхэлж мөн татгалзахыг нэгэндээ уриалах ч болсон. Иргэдийг “шулдаг”, “төлбөр нэмж авдаг”, “нэгж шалтгаангүй иддэг” гэх мэт гомдлууд гарсаар одоо энгийн үзэгдэл мэт болж хэн ч тоохоо больсон нь нууц биш.

Сүүлийн үед Мобикомын дугаартай хүн бүр лүү залгахад “Гэр гэр гэр бүлийн дурсамжаа,  Аз жаргалын өнгөөр будах уу” гэсэн Hitone-н үндсэн ая явдаг болсонг та бүхэн анзаарсан байх.

Хэрэглэгч өөрийн дуртай дуучны дуртай дууг мөнгө төлж татаж аван, суурь хураамж нэмж төлсөн байхад үндсэн аяаа хүн бүрийн дуудлаганд тохируулах нь мобикомын ээлжит нэг “дарамт” гэлтэй.

Харин үндсэн аянаас залхсан хэрэглэгчид Hitone үйлчилгээг цуцлах хүссэн постууд өнгөрсөн өдрүүдэд сошиалыг дүүргэлээ.  Энэ нь хэрэглэгчид Hitone үйлчилгээний үндсэн аянаас цаашлаад Мобикомоос татгалзаж эхэлж буйн илрэл гэж хэлж болохоор байна.

   Б. МӨНХЖАРГАЛ