Энэтхэгийн йогийн багш Самир Мажумдер, уран нугараач Батцэрэнгийн үүсгэн байгуулсан “Battsi yoga” студийн урилгаар манай улсад дөрөв дэх удаагаа йогийн багш бэлтгэх сургалт хийх гэж байна. Энэ удаа тэрбээр Аштанга йогийн үндсэн мөн чанар, түүний гайхамшгийг мэдрүүлэх аж. Түүний өмнөх сургалтуудыг “Бадамлянхуа” йогийн төвийн үүсгэн байгуулагч, багш Б.Туул, н.Төгөлдөр, н. Чанцалмаа гэх мэт Монголд амжилттай яваа йогийн төвүүдийн олон багш төгссөн байдаг.


Энэ удаа хийх Аштанга йогийн сургалтын онцлог нь биеийн хүч илүү шаардсан, эрчимжүүлсэн маягтай байдаг учраас эрчүүдэд илүү тохиромжтой юм байна. Аштанга йогийг хийхэд хөлс ихээр ялгардаг тул биеэс хорт бодисуудыг гадагшуулалхын зэрэгцээ турааж биеийг чангалдаг гэдгээрээ онцлогтой ажээ.


Дээр хэлсэнчлэн Аштанга йог нь биеийн хүч ихээр шаарддаг тул тамирчид, туршлагатай йогич  нар ихээр хичээллэдэг бөгөөд анхлан хичээллэгчид ч мөн өөрсдийгөө сориод үзэхэд илүүдэхгүй болов уу.
Хэрэв та йогийн багш болохыг сонирхож байвал, эсвэл өөрийгөө хөгжүүлэхийг  хүсэж байвал тус сургалтад хамрагдаарай.
Бүртгэлийг 99889877 утсаар мэдээлэл авах болон nbattsii@yahoo.com хаягаар холбогдох боломжтой.

Төгсөгчид олон улсад йог заах эрхийн сертификат олгоно.