Ерөнхий сайд Л.Оюун-Эрдэнэнийн эцэг нэгт төрсөн ах, экс Ерөнхийлөгч Х.Баттулгын гарын хүн гэгддэг “Hero” энтертаймэнтийн Б.Баатар хэзээнээс хувийн амьдралаараа ч энтертаймент хийдэг нэгэн. 
Тэрбээр анхны амьдралаа нэвтрүүлэгч Ч.Ундралтай эхлүүлж, 10-аад жил үдсний хойно Б.Хабул нэртэй хүүтэй болсон. Гэвч тэр жилээ “Монгол туургатны 100 эрхэм” нэвтрүүлгийг хийж, өдгөө УИХ-ын гишүүн болсон П.Анужинтай хайрын романс үүсгэж явсан нэгэн. Улмаар Ч.Ундралдаа ч эргэж очсонгүй, П.Анужинтайгаа ч амьдарсангүй. “Хайрын гурвалжин”-даа цэг тавихын цагтаа “Торгоны зам”-ын Ц.Гантөмөрийн бага охин Г.Дэлгэрмаатай хоёрдахь амьдралаа эхлүүлсэн билээ. Тэд дундаасаа мөн л хүүтэй болж.
Өдгөө 40 нас хүрч, дөрөө дарж яваа Б.Баатар найруулагч хоёр эхнэрээсээ төрсөн хоёр хүүгийнхээ зургийг дэлгэжээ.
Тэрбээр үрсдээ хандаж “
Тэнгэрлэг эх орон минь тандаа мөргөмү
Тэнд энд хэвтэх чулуунд чинь үнэн оршдогт итгэмү
Амьд яваа минь таны таалал гэмү
Аугаа их тандаа би өдөр бүр мөргөмү
Амьсгалах тоолондоо би тандаа хүрч очму
Аньсан нүдэндээ ч би таныгаа харму
Сайн үйлээ би таныхаа төлөө хиймү
Саар мууг үйлдвэл таныхаа өмнө ичмү
Өвлийн өдөр цасан дээр хэвтэхдээ
Өнгөт хялмаа гялалзан гялтагнахыг ажму
Орчинд минь хичнээн амьтан буй гэвээс тэд бүгд таных буюу
Одоо би таны нүдээр л бусдыг харму
Эх орон минь таны хүч л надад шингэснээс би хүчтэй явму
Энэрэл хайр тань надад ирсэнээс би бусдыг хайрлаж сурму
Аяа, эх орон минь ээ
Догшин ширүүн галыг ч би таных л гэж бодном
Дотоод зөөлөн амьсгалд тань шүтэж амьдарнам
Аяа, эх орон минь ээ
Ариун тунгалаг агаарыг агаарыг ч таных л гэж бодном
Амьсгалах тоолонд та надад нэвтрэн орж ирнэм
Аяа, эх орон минь ээ
Та юм бүхэнд хувилан бидэндээ ирмү
Амьд яваа минь таны гүн их таалал буюу
Хад чулуунаас ч би таныгаа олж үзмү
Хатан дэлхийн өвсөн ногооноос та босож ирмү
Хамаг амьтны тусын тулд юм бүхэнд оршиж
Хар муу үйлийн замаас биднийг холтгому
Энэ ертөнцийн өнгө аялгуу бүхэн таныг хэлмү
Энх тунх явааг минь та ивээхдээ
Эрх биш түмэн амьтанд таны хайрыг хүртээх увидас хайрла
Энэхүү ертөнцийн туйл үнэн буй бөгөөс
Түүний мөн чанар, эгнэгт эс мөхөгч, бас бий эс бологч
Тал тал тийшээ хязгааргүй үргэлжлэгч
Төв цэг нь хаа сайгүй оршигч
Төрсөн бүхний юм шалтгаан
Төгөлдрөөр өөр тэнцэх юм огт үгүй ээ
Эх орон минь тандаа би мөргөмү
Энэ биеийн буруу зөвийг гагцхүү та тунгааму
Ариутгагч бас аврагч эцэг минь алтан мутраараа адислаж
Хүссэн бүхнээр минь болгоож хайрла
Сайн үйл мөнхийн дагуул минь болог
Сац бас муу явдал барааг минь хараад зугтаг
Бялдууч явдал дууг минь сонсоод устаг
Бас аймхай амьтад дуугарч чадалгүй дөлөг
Өвчин бүхэн намайг тойрог
Өвдсөн зовсоныг тэрчлэн би ачлаг
Амьсгалах тоолон надад та нэвтрэн орж ирмү
Аньсан нүдэндээ ч би таныгаа харму
Ухаан бодол минь таныгаа баясгахаар уудам болог
Уг чанар минь хүн чанар л болог
Эх орны минь мөн чанар гоо сайхныг бусдад түгээж
Энэ ертөнцийн олныг жаргаахад минь надад тусал
Энэ бие ухаан бодол, сэтгэл зүрх, үйл ажил минь таных гэвэл
Эх орон минь та өөрөө минийх
Би таны гэгээн гэрэлд аж төрмү” гэжээ.
