Хэдхэн хоногийн дарааг монголчуудын хүсэн хүлээсэн Үндэсний их баяр наадам эхэлнэ. Хоёр жилийн хугацаанд нийтээрээ нийлж тэмдэглээгүй тус наадамд хэн хүнгүй л догдолдон хүлээж буй. 
Өөрсдийгөө цахим үндэстэн хэмээн нэрлэсэн бид наадмын тасалбар, автомашины зогсоолоо хүртэл enaadam гэх вэбсайтаар нэгдсэн журмаар худалдан авсан.
Гэтэл еnaadam сайтынхан өөрсдийн өлөн зангаа татаж сураагүй бололтой. Өглөөний 11 цагаас нээгдсэн тус веб сайт өдрийн 14 цагт бүх тасалбараа борлуулж дууссан байдаг. Баяр наадмын комиссын мэдээллээр “Тасалбарын үнэ, сүүдрэвчтэй нь 52,500, сүүдрэвчгүй нь 42,000 гэж борлуулагдаж байсан. Энэ нь баяр наадмын өдрүүдэд буюу долоодугаар сарын 11-ний нээлт, бөхийн барилдаан, 12-ны өдрийн хаалт хүртэлх наадмын арга хэмжээг үзэх багц үнэ юм. Мөн тэд нэг хүн хоёр тасалбар, автомашины таван зөвшөөрөл авах боломжтой. Наадмын тасалбар болон автомашины зөвшөөрлийг хүргэлтээр авч болно” гэж байв.
Тэгтэл өдгөө тус сайтаас арын хаалгаар авсан “өлөн” зантай шагчид сошиал хуудаснаа “Наадам2022” группыг бий болгоод тасалбарыг багц багцаар нь их хэмжээгээр нь, өндөр үнээр борлуулж эхэлснийг баримттайгаар бид хүргэж байна. Энэ группт шаглагдаж буй тасалбарын үнэ дор хаяж 130-250 мянган төгрөгт борлуулагдаж байна. Өөрөөр хэлбэл, нэг билетийн 52 мянган төгрөг дээр өөрсдийн шагийн үнэ болох 80-200 мянган төгрөгийг нэмж борлуулж буй юм.
Уг асуудалд хууль хяналтынхан мэдээлэл хийхдээ “Шалгаж байна” гэхээс өөр хариулт өгөөгүй. Нэгнээ мэрж хэмэлдэг, мөлжиж шулдаг ӨЛӨН ЗАНГАА хаяач ээ, Баяр наадмын комиссынхоо, ENAADAM сайтынхаан
