Өнгөрсөн 2020 оны УИХ-ын сонгуулийн сурталчилгаагаар хөөрхөн төрх, элдэг дуу хоолой, цэгцтэй яриагаа “ах” намдаа ашиглуулж оронд нь “Үндэсний цэцэрлэгт хүрээлэн” ОНӨТҮГ-ын дарга албан тушаал авсан Ү.Оюунзулыг манай папараци дуран онцолж байна.
Тэрбээр УИХ-ын сонгуулийн үеэр намынхаа бүхий сурталчилгаа, үйл ажиллагаанд хөтлөгчөөр ажиллаж байв. Үүнийхээ үр дүнд олон нийтэд ч багагүй танигдсан. УИХ-д “ах” намаа ялуулсныхаа дараагаар өөрөө НИТХ-д өрсөлдөж, ялалт байгуулсан. Энэ утгаараа давхар дээл өмсөж, намын “бялуу” хүртэх эрхтэй хүмүүсийн нэг болсон гэж МАН-ынхан дотроо жиг жуг хийдэг юм билээ.
Үнэн худлыг нь мэдэхгүй ч, “олны үг ортой” байхыг бас үгүйсгэхгүй.
