Улсын арслан М.Бадарч өнөөдөр ууланд машинтай явж байхдаа автын осолд оржээ. Түүний биеийн байдал хүнд байгаа бөгөөд одоо Гэмтэл согог, судлалын үнлэсний төвд хэвтэн эмчлүүлж байгаа аж.
Осол гарах үед тэрбээр ганцаараа байсан бөгөөд архи, согтууруулах ундаа хэрэглээгүй байсан аж.
Ослын талаар цагдаагийн байгууллагаас тодруулахад : Цагдаагийн байгууллагад 2023 оны 09 дүгээр сарын 06-ны өдрийн 07 цаг 41 минутад Хан-Уул дүүргийн 4 дүгээр хорооны нутаг дэвсгэр, Баясах трейд ХХК-ны хашаанаас урагш 2.5 километр зайтай Богд-Уулын ар бэлд иргэн “Б” нь улсын дугааргүй UVT маркийн тээврийн хэрэгсэл жолоодож яваад онхолдож Гэмтэл согог судлалын үндэсний төвд хүргэгдсэн гэх мэдээлэл бүртгэгджээ. Уг мэдээллийг Тээврийн цагдаагийн албаны Мөрдөн шалгах газар шалгаж байна.
Түүнтэй холбоотой бас нэгэн таагүй мэдээ дуулгахад түүнийг сэргээш хэрэглэсэн гэх хариу гарсан юм. Түүний сэргээшийн шинжилгээнд өгсөн дээжээс “Метенолон” илэрсэн бөгөөд Метенолоний үйлчлэлээр булчингийн масс, биеийн хүч болон цусны улаан эсийн тоо нэмэгддэг аж.
Бид энэ талаар эргэж мэдээлэх болно.
