Цагдаагийн алба хүнд хүчир, дарга нарын дарамт шахалт их байдаг. Гэсэн ч цагдаагийн алба хаагчид ажилдаа эзэн болж төр, түмэндээ үнэнчээр зүтгэдэг. Харин тэдний хичээл зүтгэлийг цөөн алба хаагч үнэгүйдүүлж, цагдаагийн албаны нэр хүндийг унагаж байна.
Тухайлбал, Баянгол дүүргийн Цагдаагийн газрын хоёрдугаар хэлтсийн дэд дарга Очирбат гэгч өчигдөр /2023.09.16/ буюу амралтын өдөр алба хаагчдыг дуудан ирүүлж, архидан согтуурсан байна. Улмаар хэд хэдэн алба хаагчид гар хүрч, “Чи надад таалагдахгүй байна” гэж ямар ч шалтгаангүйгээр нэг алба хаагчийг зодож, зугтахад нь элдэж хөөж ухаан алдтал нь зоджээ. Үүгээр ч зогсохгүй ухаан алдсaны дараа нь хүртэл зодсон гэх мэдээлэл байна.
Зургийн тайлбар: БГД-ийн цагдаагийн II хэлтсийн дэд дарга Очирбат
Ийнхүү ёс зүйгүй авирлахад нь цагдаагийн алба хаагчид болиулах гэхэд “…Та нар намайг яаж ч чадахгүй шүү!!! Миний дээр Цагдаагийн ерөнхий газарт дарга байна. …Та нар миний өмнүүр ордог хэн бэ” хэмээн агсамнаж, зодохын зэрэгцээ эхнэртээ хүртэл агсан тавьж танхайрчээ.
Хууль сахиулах үүрэгтэй, бусдад үлгэр дуурайлал үзүүлэх ёстой хүн нь өөрөө ёс зүйгүй авирлан, танхайрч, цагдаагийн албан хаагчдын биед халдсан нь гэмт хэрэг юм.
Зургийн тайлбар: БГД-ийн цагдаагийн II хэлтсийн дэд дарга Очирбат
Хэргийг ЦЕГ-ын дотоод хяналтаас шалгах болно. Улмаар сануулах, цалин эсвэл цол бууруулах шийтгэл оноогоод өнгөрнө. Харин зодуулсан алба хаагчид хохироод өнгөрөх юм. Хэдийгээр зодуулсан цагдаагийн алба хаагчид өргөдөл гаргах эрхтэй ч албаны нэр хүнд хэмээн бодоод зодуулаад, хохироод үлддэг байна.
Энэ мэт амны салиа арилаагүй байж болзошгүй ямар ч туршлага байхгүй ёс зүйгүй ахмадуудаа дарга болгосноор хэрэгтнээ барих биш дарга нартаа зодуулж гэмтэл авч залуус эрүүл мэнд, ирээдүйгээрээ нь хохироод байх уу.
