МАН төрийн эрх барьж байгаа энэ цаг үед тун айдастай байгаа нь УИХ-ын намрын чуулганы нээлтээс илт мэдрэгдлээ. Тодруулбал УИХ-ын дарга Г.Занданшатар УИХ-ын чуулганы 2023 оны намрын нээлтийн хуралдааныг нээж хэлсэн үгнийхээ эхэнд энэ талаар онцолсон нь анхаарал татсан юм.
УИХ-ын дарга Г.Занданшатар: “… Нийгмийн бухимдал өндөр, сонгуулийн идэвхжил эхэлсэн, иргэдийн хүлээлт эхэлсэн…. өндөр хэмнэлтэй энэ цаг үед чуулган нээж байна. …Одоо иргэдийн бухимдлыг төрүүлсэн элдэв булхай луйврыг төрийн эрх барих дээд байгууллага, ард түмний төлөөлөгчдийн байгууллага, ард түмэнтэйгээ нийлэн шалгах бүрэн эрхтэй болсныг та бид тууштай хэрэгжүүлэх ёстой…” хэмээн иргэдийнбухимдал их байгааг онцолж байлаа. 
УИХ-ын дарга бол Үндэсний аюулгүй байдлын зөвлөлийн гурван гишүүний нэг. ҮАБЗ-ийн гишүүний нэг нь ийнхүү УИХ-ын чуулганы нээлтэд ийнхүү хэлж байгаа нь төрийн эрх барьж байгаа МАН айдастай байгааг илтгэж байна.
МАН дотооддоо бужигнаж эхэлсэн энэ цаг үед нийслэлийн МАН-ыг “хуйхлах” бололтой байна.
Нүүрснийхэн болон нийслэлийнхэн нам дотроо “алалцаад” эхэлсэн энэ цаг үед тэдний хэн нь ялахыг харах л үлдлээ.
