Дорноговь аймгийн Сайншанд суманд 12 настай охин 2023 оны аравдугаар сарын 3-ны өглөө 07 цаг 10 минутанд хичээлдээ явахаар гараад сургуульдаа очоогүй. Энэ талаар багш нь ар гэрийнхэнд нь хэлснээр охиныг эрэн хайх ажиллагаа эхэлсэн. Тасралтгүй үргэлжилсэн эрлийн ажиллагаа сая зогслоо. Учир нь цагдаагийн байгууллагаас Дорноговь аймагт эрэн хайж байсан 12 настай хүүхдийг амь хохирсон байдалтай байсныг олж тогтоон, эрэн сурвалжлах ажиллагааг зогсоолоо.
Цагдаагийн байгууллагаас хэргийн газрын үзлэг, бусад хойшлуулшгүй ажиллагааг хийж байна.
Охины цогцсыг Дорноговь аймгийн Мандах сумаас олсон бөгөөд охины амь насыг нь хохироогоод газарт булсан байжээ.
