Олноо “лайвчин” хэмээн алдаршсан Д.Мөнх-Эрдэнэ өдгөө цагдан хоригдож байгаа билээ. Тэрбээр цагдан хоригдож байх хугацаандаа бусдад зэрлэгээр зодуулсан гэх мэдээлэл гарсан. Тэгвэл хорих ангид эрүү шүүлт болоогүй гэх мэдээллийг ШШГЕГ өгсөн бол ХЭҮК-ийн урьдчилсан дүгнэлтээр зодсон асуудал байхгүй гэх мэдээллийг өгч байсан.
Харин эрүүдэн шүүсэн гэх асуудал дахин хэвлэлд гарсан. Тиймээс бид энэ талаар албан эх сурвалж болох Шүүхийн шийдвэр гүйцэтгэх ерөнхий газраас тодруулахад, Д.Мөнх-Эрдэнийн гаргасан гомдлын дагуу Улсын Их Хурал, Улсын Их Хурал дахь Ардчилсан намын бүлэг, прокурорын байгууллага, Хүний эрхийн Үндэсний комиссоос шалгалт хийсэн. Д.Мөнх-Эрдэнийг ямар нэгэн байдлаар эрүүдэн шүүсэн, хүний эрх зөрчсөн асуудал байхгүй. Энэ бол худал мэдээлэл түгээж, байгууллагын нэр төрд халдсан үйлдэл” гэсэн тайлбар өглөө.
ХЭҮК-оос зодсон асуудал байгаагүй. Шалан дээр нэг цаг гаруй суулгасан нь эрүү шүүл мөн эсэхийг нарийвчлан шалгаж байгаа гэх мэдээллийг өгсөн юм.
Өөрөөр хэлбэл Д.Мөнх-Эрдэнэ хорих ангид зодуулаагүй гэдгийг албан эх сурвалж өглөө. Бид энэ талаар эргэж мэдээлэх болно.
