Хонь
Сарын эхээр танд их хэмжээний мөнгө орж ирнэ. Энэ мөнгө зүгээр орж ирээгүй, таны хамтрагчийн эрч хүч, хичээл зүтгэлийн хүчээр орж ирснийг санаарай. Гадаадын улс оронд аялах, эсвэл ойрын тойрон аялал хийхэд тохиромжтой. Өөрөө өөртөө олон боломжийг олго. Таны ажиллах чадвар өндөр байж бага хугацаанд их зүйлийг амжуулан эргэн тойрны хүмүүсийг гайхшруулан баярлуулна. Та хувь хүнийхээ хувьд хэн нэгнээс ашигтай ажлын санал хүлээж авна. Таны бүтээлч байдал, эргэцүүлэн бодох, дүрслэн бодох чадвар өндөр байна. Эрчүүдийн хувьд цаг минут тутамд хяналттай байж, ажилдаа хариуцлагатай хандахыг зөвлөж байна. Таны эрч хүч сул дорой, сэтгэн бодох чадвар бага ямар ч энгийн ажил үйлс тань бүтэмж муутай байна. Сарын дундуур таны амьдралын чадамж буурч, бага зэргийн санхүүгийн хямрал үүсэн гэр бүлийн хүрээнд асуудал үүсэх магадлалтай. Ямар нэгэн гэмтэл бэртэл авах магадлалтай. Шинэ ажил эхлэхээс өмнө гарах бага зэргийн бэрхшээлийг үл тоон алгуурхнаар зохицуулахыг хичээ. Тайлан тооцоо, бусад нөхцөл байдлыг харж дүгнэж, таны зарлага тань нэлээд их болсныг харж болно. Энэ байдлаар үргэлжилбэл тун удахгүй эдийн засгийн хүндхэн нөхцөл байдал үүсэж мэднэ. Харин сарын эцсээр шинэ ажил хэргүүд бүтэмжтэй байх боловч шийдвэргүй байдал, хэн нэгэн хүний оролцоо, мэдээлэл нь таны ажилд сөргөөр нөлөөлөх магадлалтай байна. Энэ ордны эмэгтэйчүүд ойр дотнын хүнтэйгээ үл ойлголцсоноос болоод сэтгэл тань тавгүйтнэ. Хувийн амьдралаа дээшлүүлэхээр хийсэн оролдлого тань бүтэл муутай болсон ч таны дэргэд урам хайрлах, дэмнэж туслах хайртай хүн тань ойлгох болно.
Үхэр
Сарын эхээр ойрын хугацаанд таны амьдралд тодорхой хэмжээний өөрчлөлт гарна. Магадгүй танд эрх мэдэлтэй, албан тушаал дээгүүр хүн шинэ ажилд санал тавих, эсвэл туслалцаа үзүүлнэ. Бүсгүйчүүдийн хувьд өөртөө хаяглан ирсэн олон сайхан талархлын үгийг сонсож таны хийсэн бүтээсэн, бусдад ивээлтэй, баярлуулж байсан бүхэн тань нүдний тань өмнүүр зурсхийх болно. Хамгийн дотнын хүнээсээ гэнэтийн бэлэг авна. Танд учирсан сэтгэл санааны уналт нь энэхүү гэнэтийн үйлдлээр цэлмэж, урьдын бараан үе алга болно. Эрүүл мэндтэй холбоотой асуудал гарч ирэх тул яаралтай эмчид ханд. Өвчин өөрөө эдгэнэ гэж тоохгүй орхих хэрэггүй. Сарын дундуур таны ойр дотнын ахмад настан танаас тусламж хүсэж мэднэ. Та түүний хувьд хамгийн итгэлтэй, найдвартай түшиг тулгуур нь гэдгээ мартаж болохгүй. Мөнгө санхүүгийн хувьд таны төсөөлж байснаас дээгүүр байх болно. Ажил хэрэгтэй холбоотой уулзалт, хэлэлцээр нь танд болон байгууллагад чинь ихээхэн ашиг авчрах болно. Таныг ажил хэргийн болон хувийн ажлаар элдэв болзоо уулзалтууд хүлээж байна. Олон зүйлийг амжуулж зохицуулахаас гадна бичиг цаастай холбоотой ажлууд таныг ядрааж мэднэ. Сарын сүүлээр таны бүтээлч чадвар өндөр байгаа хэдий ч бусад хүмүүсийн гаргасан шинэ санаачлагууд танд саад болох болно. Төлөвлөснөөс хол давсан зүйлийг хийх нь тохиромжгүй байх ба эргэн тойрныхоо хүмүүст тусламж дэмжлэг үзүүлэхдээ өөрөөрөө бахархан, үнэлэх боломж гарна. Ажил төрөлдөө бүтээлч чадварлаг гэдгээ удирдлагууддаа харуул. Ингэхийн тулд хийж байгаа ажилдаа анхаарал болгоомжтой хандаж, бусдын нөлөөнд үл автах нь цаашид эрсдэл гаргахгүй байхын нэг илрэл болохыг анхаар. Мэргэжлийн үйл ажиллагааны хүрээнд хариуцлага алдсан томоохон асуудал үүсч зөвхөн та ч бус бүх хүмүүсийн ажлыг зогсоход хүргэнэ. Бүсгүйчүүд хуучин харилцаа холбоогоо сэргээх, хайр дурлалаа эргэн санагалзахад хүрнэ.
Ихэр
Сарын эхээр хөндлөнгийн зүгээс таныг чиглэсэн сөрөг хандлагууд ирж магадгүй. Энэ нь танд атаархаж, таны амжилтад уурсаж явдаг хүн тань танд дэгээ тавьж магадгүй. Сэтгэл санааны хувьд ачаалалтай байна. Мэргэжлийн үйл ажиллагаа нь танаас цаг ямагт идэвх, чадвар шаардах болно гэдгийг санаж анхаарлаа сулруулахгүй байхыг зөвлөж байна. Оддын таагүй байрлал нь янз бүрийн зүйлд хүргэж болзошгүй. Аз туршсан алхмаас зайлсхийх нь таныг эрсдэлээс бүрэн хамгаалах юм. Та өөрөө сэдэж, орлогын эх үүсвэрээ бий болгож чадахгүй бол чадварлаг нэгний удирдлага дор амжилт гаргаж болно гэдгийг санаарай. Санхүүгийн байдал тань тогтворгүй байгаа тул эрсдэлтэй алхам хийх, элдэв адал явдалд бүү орооцолд. Сарын дундуур ганц бие энэ ордныхон өөртөө цаг гарган шинэ хувцас, шинэ дүр төрхийг бий болгоход таатай. Таны гаргасан санал санаачилга болон сайн үйлсийн аян олны таашаалыг хүртэнэ. Сайтар гаргасан төлөвлөгөөний ачаар та өөрт тулгарсан хүндрэлийг даван гарах арга замаа оновчтой тодорхойлно. Хамгийн дотнын дүүдээ тус болох гэсэн сэтгэл чинь эсрэгээрээ ус болсон мэт сэтгэгдэл төрүүлнэ. Учир нь таны сайхан сэтгэл бусад хүнд төвөг учруулах зүйл болж хувирна. Эрч хүчтэй, зорилготой хүмүүст уйдах, зүгээр суух зав гарахгүй. Танд юуг ч өөрчлөх хүсэл, хүч чадал байхгүй мэт боловч таны өөртөө итгэх итгэл, зоримог байдал ихээхэн нөлөөлөх болно. Сарын сүүлээр томилолтоор явах, ажил хэргийн уулзалт зохион байгуулах зэрэгт таатай байхаас гадна өрсөлдөгч байгууллагатай нөхөрсөг тэмцээн зохиох нь ажлын үр дүнд ихээхэн нөлөөлөх болно. Материаллаг байдлыг бэхжүүлж чадахаас гадна ирээдүйн амжилтын гараагаа хийж чадна. Сэтгэл санааны илрэлээ шууд гаргахгүй байхыг хичээгээрэй.
Мэлхий
Сарын эхээр таны ирээдүйд хэн байх, юу хийж ямар хэмжээнд очсон байх нь одоогийн ажилдаа болон хувь хүнийхээ хувьд өөртөө хандах хандлагаас шууд хамаарах учир та одооноос мэрийх хэрэгтэй. Албаны хэрэгцээ шаардлагын улмаас хэн нэгэнтэй хийсэн арилжаа нь оновчгүй байх ч цаг алдалгүй арга хэмжээ авснаар алдаагаа засаж чадна. Санхүүгийн үйл ажиллагаа нь ашиг орлого нэмэгдүүлэх, тооцооллын хувьд нэмэх үзүүлэлттэй байна. Эрчүүд хоббиндоо хөтлөгдөн огт таньж мэдэхгүй хүнтэй харанхуй наймаа хийж магадгүй. Ийм бодлогогүй алхам нь түүнийг эрсдэлд оруулж мэдэх юм. Худалдаа наймаа хийдэг хүмүүс өөртөө болон үйл ажиллагаандаа шинэчлэл хийхгүй бол ахиц дэвшил гарахгүй, ашиг орлого багассаар байх болно. Сарын дундуур энэ ордны бүсгүйчүүд гүйлгээ ухаан, овсгоотой байдлынхаа ачаар санхүүгийн асуудлаа тодорхой хэмжээгээр сайжруулна. Өмнө нь тохиосон таагүй явдлууд нь эрчүүдийн хувьд сургамж болж та бусдын өмнөөс өөрийгөө тавьж үзэх мөн өөрийнхөө сайн муу талыг олж харна. Эрчүүдийн тооцоотой, хянамгай байдал нь сэдсэн ажил бүрийг ашигтай талд шийдэж, үр өгөөжийг нь амсах болно. Сарын сүүлээр амжилт, алдар хүнддээ бярдаж, толгой нь эргэсэн хүмүүс өөрөө ч мэдэлгүй нэлээд төөрөгдөлд орж магадгүй. Мөнгөтэй холбоотой юм бүхэн танд амаргүй байх бөгөөд найз нөхөд ойр дотнын хүмүүсийн санал санаачилга болон зөвлөгөөг өөрийн бүх зүрх сэтгэлээрээ хүлээж ав. Та өөрт сөргөөр нөлөөлөх хүчин зүйл болон гэмтэж бэртэж болзошгүй зүйлээс хол байх хэрэгтэй. Хувиараа хөдөлмөр эрхэлдэг хүмүүст захиалга ихээр орж ирэх, ачаалал ихтэй байх боловч ар гэрийн, хувийн ажлууд давхцан танд амрах чөлөө өгөхгүй.
Арслан
Сарын эхээр амьдралд тань ажил алба, мөнгө санхүүгээ дээшлүүлэхээс бусад олон үйл явдал, сайн муу зүйл тохиодог. Өөрийн нэр хүндээ бэхжүүлэх, нийгэмд эзлэх байр сууриа эерэгээр өөрчлөх эхлэл болно. Ахмад настай хүмүүсийн сэтгэл санааг өргөж, тэдний хүсэлтийг биелүүлэх нь таны хувьд туйлын чухал зүйл болоод байна. Та зөвхөн амин хувиа л бодож, өөр бусдын асуудал бэрхшээлийг үл тоодог байсан зан тань нэг л өдөр өөрчлөгдөх болно. Шинээр эд хөрөнгө худалдан авахад тохиромжтой бөгөөд санхүүгийн боломжиндоо тохируулж нэмэлт зардал гаргахгүй байхыг зөвлөж байна. Өөрийн зүгээс боловсруулсан санал санаачилга нь гэр бүлийн хүрээнд багахан дэмжлэг авах ч таны урам хугарахгүй. Хайртай хүмүүсийнхээ тусламж дэмжлэгээр олон төлөвлөсөн зүйлээ бүтээх ч бие махбодын хувьд зовиур мэдрэгдэнэ. Сарын дундуур хойшлуулж боломгүй ажлыг амжуулахын тулд хамгийн тааруу харьцаатай хүнээсээ тусламж хүсэж магадгүй. Богино хугацаанд ашгаа өгч болохуйц бизнесийн санаа орж ирэх ч хамгийн ойрын хүн тань дэмжихгүйд сэтгэл гонсойж магадгүй. Харин сарын сүүлээр хайртай хүн эсвэл үр хүүхдүүдийн зүгээс танд гэнэтийн бэлэг барьж таны төсөөлж байгаагүй сайхан сэтгэгдэл, баяр баяслыг бэлэглэх болно. Эрэн хайх, мэдээ мэдээлэл цуглуулах, шалгаж тагнах ажиллагаа явуулахад таатай. Та өөрийн бүтээлч санаагаа ойр дотныхоо хүмүүст бүрэн дүүрэн ойлгуулж чадвал бүх зүйл таны бодож санасан шиг бүтэмжтэй болох болно.
Охин
Сарын эхээр бусдын таагүй бодол, гөжүүд зангаас амар амгалан, итгэлтэй байдал тань алдагдаж магадгүй. Өөрийн эхлүүлсэн ажилдаа шинэ хамрагч, түнштэй болж магадгүй. Өрхийн орлогоо нэмэгдүүлэх, амьдрал ахуйгаа дээшлүүлэх хүсэл нь юуг ч хамаагүй хийх хүсэл төрүүлж магадгүй. Хувийн амьдрал нь асуудал бэрхшээлгүй, гэр бүл баяр баяслаар дүүрэн байна. Төлөвлөгөө, шинэ санаагаа хэрэгжүүлэхэд хүндрэл гарч, зарим харилцагчтайгаа таагүй харилцаанд орж магадгүй. Оюун ухаан, сэтгэн бодох чадвар урд урьдынхаасаа илүү хүчтэй байж аливаа тэмцээн уралдаан, яриа хэлэлцээр хийхэд амжилттай байх болно. Өөрийн ажлыг бүтээх гэж бусдыг хуурах, буруу үйлдэл хийх нь эргээд танд эрсдэл учруулна гэдгийг санаарай. Сарын дундуур өөрийн хүслээр, хэний ч үгийг сонсолгүй хийсэн үйлдэл чинь буруудаж мэднэ. Сайн муу ямар ч мэдээнд барьц алдах хэрэггүй. Эмч эмнэлгийн ажилтнууд болон олон хүнтэй харилцдаг байгууллагуудын хувьд таатай, ачаалал багатай байх болно. Багахан хэмжээний андуурал гарч магадгүй ч сайхан сэтгэлт хүний ачаар амархан шийдвэрлэнэ. Харин сарын сүүлээр хаяж үрэгдүүлсэн эд зүйлээ олох, удаан бодсон зүйлийнхээ хариуг олж авах зэрэг таатай үйл явдлууд өрнөнө. Санхүүгийн үйл ажиллагаа явуулах, түүнтэй холбоотой ажил үйлс бүгд бүтэмжтэй байхаас гадна зарим хүмүүсийн хувьд орлогын эх үүсвэрээ бий болгоно. Анхны гэсэн бүхнээ нандигнан хадгалж, сайхан дурсамжийг бүтээх нь таны хувьд ихээхэн ач холбогдолтой байна.
Жинлүүр
Сарын эхээр зарим харилцаа холбоо тань хууран мэхлэлт болон урам хугаралтыг авчирна. Хувь тавилан таны эсрэг байх хэдий ч та бууж өгөх хэрэггүй.Бие организм тань бодлоос тань эсрэг байх болно. Хийх, бүтээх хүсэл их байв ч түүнийгээ биелүүлж чадахгүй сульдсан, тавгүйтсэн байдалтай байхаас гадна хичээл зүтгэл тань талаар болж магадгүй. Шинэ ажлын эхлэл, төлөвлөлтөд таагүй байх бөгөөд эхлүүлсэн бүхэн амжилт авчирна гэж найдах хэрэггүй. Зарим нэг зүйлээ хийхэд эд материалын хүндрэл гарч болзошгүй. Өөрийн танилын хүрээллийг тэлэх, тэдний өгсөн таатай санал, боломжуудыг ашигтайгаар барьж авах нь таны шинэ эхлэл болж магадгүй. Санхүүгийн хүндрэл тулгарч танд гарц олоход хүндхэн байх болно. Худалдаа арилжаа хийхээс ямар ч тохиолдолд татгалзах хэрэгтэй. Сарын дундуур дотно санагдаж байсан хүнтэйгээ эв зүйгээ олж чадахгүй үл ойлголцолд хүрэх агшинд таны сэтгэл ихэд гонсойх боловч яаж учраа ололцох, хэнд гомдоллохоо мэдэхгүй шаналах болно. Ганц бие бүсгүйчүүд хайр сэтгэлд хөнгөн хандах хэрэггүй. Нухацтай бодож, таньж байж итгэл үзүүлээрэй. Буруу зуршилд автах, эрүүл мэндээ хохироох зүйл хийхгүй байхыг зөвлөж байна. Танд сүүлийн үед тохиолдож байгаа зарим нэг таагүй мэдрэмж тань эрүүл мэндтэй чинь зайлшгүй холбоотой байх болно. Харин сарын эцсээр хүсэн хүлээж байсан аз жаргал тань энэ өдөр ирж таны амьдралыг гэрэлтүүлэх болно. Хайр дурлал, гэр бүлийн аз жаргал билэгдсэн таатай өдрүүдийн нэг. Бага хэмжээний арилжаа нь зарим хүмүүсийн хувьд инээдэм байж мэдэх ч өөр бусдын хувьд амьдралд тус дэм болохуйц зүйл гэдгийг санаж өөрөөсөө дор хүмүүст дээрэнгүй хандах хэрэггүй. Та өөрийн сонирхлыг, хоббигоо ашиг орлого олж болохуйц хэмжээнд хөгжүүлэхийг хүснэ. Таны содон сонголт, сэтгэхүйтэй холбоотой зарим нэг зүйл нь олны анхаарлыг татаж магадгүй.
Хилэнц
Сарын эхээр сайн таньж мэдэхгүй хүнд бүх зүйлээ даатган, тэр тусмаа үнэтэй эд зүйлсээ даатган үлдээж эрсдэл үүрэх хэрэггүй. Амьдрал таныг тайван амгалан суухыг зөвшөөрөхгүй харин ч урд урьдынхаас ч илүү эрч хүч, идэвх зүтгэл шаардана. Хувь хүнийхээ зүгээс хүчтэй мэдрэмжтэй, зөн совинтой байх бөгөөд зарим тохиолдолд түүнтэйгээ тэмцэхэд хэцүүхэн байх болно. Гарт баригдаж, нүдэнд харагдахуйц бүтээлч ажлуудаа голчлон барих нь амжилттай байх болно. Энэ ордны бүсгүйчүүд илүүтэй азтай одтой байхаас гадна тэдний дур булаам байдал, бусдыг татах чадвар нь олон зүйлийн зангилааг тайлах, мөн хайр дурлалын хувьд ч таатай харилцааг бий болгоно. Сэтгэл хөдлөл, хэт догдлол нь оновчтой шийдвэр гаргахад эерэгээр нөлөөлөхөөс гадна тэмцээн уралдаан, оюун ухаанаа сорих тэмцээн, мэтгэлцээнд онцгойрон тэргүүлнэ. Сарын дундуур эрчүүдийн түрэмгий, хүндлэлгүй зангаас болж олон таагүй явдлууд тохиох болно. Аз туршсан зүйлд хүч үзэх, хөрөнгө мөнгө зарах нь таныг богино хугацаанд эрсдэлд оруулж, санхүүгийн хувьд алдагдал хүлээж магадгүй. Бизнес эрхлэгчид ямар нэгэн гэрээ хэлэлцээрийг хийхээс өмнө бүх нарийн ялгааг тооцож, сайтар бодож, маш болгоомжтой байх хэрэгтэй. Таны хийж бүтээснийг зохих ёсоор үнэлэхийн зэрэгцээ таны нэг хүндийг өсгөж, байр суурийг ихээр бэхжүүлнэ. Тэр бүү хэл шинэ ажил, албан тушаал санал болгож мэднэ. Сарын сүүлээр урьдчилан тооцоолоогүй гэнэтийн орлого орж ирэх магадлал өндөр байна. Амжилт бүтээл гаргаж, нэр алдраа түгээх эсэх нь зөвхөн танаас шалтгаалах тул хэн нэгэнд итгэж найдаж, өөрийн хувь тавиланг даатгах гэсний хэрэггүй. Ядарсан нэгэнд туслах, бусдад буян үйлдэх нь таны ирээдүйн зам мөрийг тэгшилж өгнө. Ахмад настай хүмүүсийн гуйлтаас нүүр бууруулах хэрэггүй.
Нум
Сарын эхээр бүсгүйчүүд үзэл бодол, үгээ илэрхийлэхдээ хэтэрхий чөлөөтэй байх, өндөр дуугаар ярих хэрэггүйгээс гадна бусдаас хэт зөрөх хэрэггүй. Алсаас зочид хүлээж авах, шинэ мэдээ мэдээлэлтэй болох, өмнө нь шийдвэрлэж чадаагүй бичиг баримтын асуудлаа зохицуулах зэрэг нь амжилттай бүтнэ. Таны мэдрэмж тэс өөр ертөнцийг таны өмнө нээж өгөх шинэхэн танилтай учирна. Хамт ажилладаг хүнийхээ сэтгэл санааны байдалд нийцүүлэн ажил үүргийн хуваарилалт гаргахад хүрч мэдэх юм. Санхүүгийн байдал тань хангалттай сайн биш байгаа тул хүссэн бүхнээ авах гэж зүтгэх хэрэггүй. Тэвчээргүй байдал, үг хэлэндээ хэтэрхий зарчимч байх нь эргэн тойрондоо зөрчилдөөнтэй байдлыг бий болгоно. Сарын дундуур оюун ухаан, хүч хөдөлмөр, хөрөнгөө мөнгөө зарцуулах шинэ бизнесийг бий болгох талаарх эрэл хайгуул хийнэ. Мэргэжлийн салбарт олонд танигдах, ур чадвар, мэдлэг оюунаараа тэргүүлж магадгүй. Та түүндээ үнэнч, дуртай байхаас гадна нарийн чимхлүүр, мөн урьд өмнө батлагдаагүй нээлтийг хийх зорилго өөртөө тавих болно. Уран бүтээлч, бүхнийг ур ухаан, гарын дүйгээр бүтээдэг хүмүүст амжилтыг ерөөж байна. Сэтгэл санааны байдал, ойр ойрхон өөрчлөгдөх, дотоод түгшүүр зэрэг нь хайртай хүнтэйгээ харьцах харилцаанд сөргөөр нөлөөлж болзошгүйг анхаар. Сарын сүүлээр санхүүгээ сайтар төлөвлөж илүү зардал гаргахгүй байх тал дээр онцгой анхаарал тавих хэрэгтэй. Таны хувьд оюун бодлоо төвлөрүүлж, өөрийн зөн билгээ сонсох шаардлагатай. Хэчнээн чухал асуудал байлаа ч бусдын эрх ашгийг хөндөхөөр бол асуудлыг эвээр ойлгуулах зарчмыг баримтлаарай.
Матар
Сарын эхээр томоохон хэмжээний төлөвлөгөө зохиох, өмнө бэлдсэн шинэ ажил эхлүүлэх зэрэгт таатай байна. Дээд албан тушаалтанд санал тавих, хүсэлт гаргах зэрэгт тань маш эелдэг, энэрэнгүй байдлаар хандах бололтой. Шүүх цагдаагийн байгууллагатай холбоотой асуудал хортой уршиг дагуулахгүй. Хэн нэгний түрэмгийлэл, дайрч давшсан байдал нь нийгэмд эзлэх байр суурийг тань ганхуулахад хүргэж мэдэх юм. Зорилготой, шийдэмгий шийдвэрүүд нь биеллээ олох боловч таны хүсэж бодож байсан хэмжээнд үр дүнг авчрахгүй. Өмнө хийж эхлүүлсэн төсөл хөтөлбөрөө өргөжүүлэх, идэвх зүтгэл ихээр нэмэгдэнэ. Сарын дундуур худалдаа наймааны ажил ялангуяа өндөр үнэтэй үнэт эдлэл, хөрөнгө худалдан авах хэрэггүй. Аль ч тохиолдолд аз туршсан үйлдэл хийхгүй байсан нь дээр. Харин охид бүсгүйчүүдийн хувьд өөртөө анхаарал тавих, өөрийгөө олох, зорилгоо шинэчлэх зэрэгт цагийг зарцуулна. Ганц бие хүмүүс цаашдын амьдралаа холбох хүнтэйгээ танилцахыг үгүйсгэхгүй. Санхүүгийн байдлаа дүгнэн цэгнэж, хувийн санхүүгээ тогтвортой байлгах арга замыг эрэлхийлэх нь таныг эрсдэлд оруулахаас сэргийлнэ. Сарын сүүлээр ажил хэргийн хувьд таны бүх санаачлагыг ойшоон үздэггүй даргатайгаа дахин үл ойлголцолд хүрч болзошгүй. Амьдралаас хэт ихийг хүсэх хэрэггүй. Таны хувь тавилан ямраар зурагдсан түүгээрээ л үргэлжилж, өрнөх учир түүнийг хүчээр эргүүлэх, өөрчлөх гэсний хэрэггүй. Өөрт тулгарсан сорилтын өмнө бат зогсох хэрэгтэй бөгөөд үгүй бол хязгаартаа хүртэл хурцадна. Харин хайр дурлалын асуудлууд, болзоо зэрэг нь таны сэтгэл санааны байдлаас болж өрнөх болно.
Хумх
Сарын эхээр худалдаа наймаа эрхлэгчдэд ашиг орлогоо өсгөж чадахуйц мэргэн санаа бодол орж ирнэ гэж одод танд зөгнөж байна. Өөртөө итгэлтэй, шийдэмгий, зоригтой байх нь эргэн тойрны хүмүүсийн анхаарлыг татаж тэдний дунд нэлээд таатай сэтгэгдлийг үлдээж чадна. Дур булаам бүсгүйчүүд нийгэмд болон салбартаа гялалзсан амжилтыг үзүүлж олон шинэ шинэ боломжийг олж харна. Шинэ ажил эхлүүлэх, аль эсвэл хийж буй ажил, төслөө ахиулахад таатай байна. Таны хийж бүтээсэн тань, хичээл зүтгэл хөдөлмөр тань зохих ёсоор үнэлэгдэх ч алдаа гаргавал их үнээр төлнө. Алсын хараатай, өөрийгөө хянах хяналтаа алдахгүй байхыг хичээгээрэй. Сарын дундуур ганц бие хүмүүс амьдралынхаа ханьтай учирч урт удаан аз жаргалтай амьдралынхаа эхлэл суурийг тавьж магадгүй. Амьдралын идэвхтэй байдал нь ажил мэргэжлийн салбарт болон найз нөхөдтэй харилцах харилцаа, цаашдын хувь заяанд тань хүчтэй нөлөөллийг үзүүлнэ. Мөнгө санхүүгийн хувьд бага зэргийн дэвшил гарах боловч урьдчилан төлөвлөөгүй зардлууд, хуримтлагдсан өр төлбөрийн асуудлуудад зарцуулагдах болно. Сарын сүүлээр хувийн амьдралд тань эерэг болон сөрөг томоохон өөрчлөлтүүд ээлжлэн тохиож болзошгүй. Таны хувьд тайван амгалан, аз жаргалтай гэр бүлийг цогцлоох гэж мэрийж хичээж яваа, түүндээ ч хүрч байна. Гэр бүлийн эерэг сөрөг асуудлыг өөрийн бодлоороо шийдвэрлээрэй.
Загас
Сарын эхээр шинэ танилтай болох эсвэл нөлөө бүхий хүмүүстэй танилцана. Эдгээр хүмүүсийн тусламжтайгаар та хүнд үеэсээ гарах магадлалтай. Уран бүтээлч сэтгэхүй хөгжиж, олон бүтээлч санаа төрнө. Хувиараа хөдөлмөр эрхэлдэг эсвэл уран бүтээлч хүмүүст таатай байна. Тэд магадгүй өөрийн үзэсгэлэнгээ дэлгэнэ. Ажил хэргийн талаар ямар нэгэн шинэ санаа, мэргэн ухаан олсон бол түүнийгээ зөвхөн өөртөө хадгалаарай. Хийх зүйлдээ, бодож сэтгэсэн зүйлдээ хянуур байхыг зөвлөж байна. Хувийн амьдралаа оройтож эхлүүлсэн хүмүүсийн хувьд үр хүүхэд, ар гэр гэж явсаар өөр бусад зүйлд цаг зав зарцуулж чадахгүйд хүрнэ. Овсгоо самбаа, хурд хүч шаардсан олон ажлын ард гарна. Таны чадвар хамгийн хүнд нөхцөлөөс ч сугаран гарч чадна. Аливаа зүйлийг өөрийнхөөрөө шийдэх гэсний хэрэггүй. Сарын дундуур шүүх, цагдаатай холбоотой маргаантай асуудал үүсэж түүнийг шийдвэрлэхэд ихээхэн хүнд байх болно. Цагт баригдсан ажил хийдэггүй ч та өөртөө бол маш завгүй нэгэн юм. Гэвч таны ажлыг ойлгох, хувийн санхүүгийн байдлыг тань мэдэх хүн нь ховор юм. Хүсэл зоригийг шууд тулган зүтгэлгүй, харилцан ойлголцох журмаар асуудалд тэвчээртэй хандахыг зөвлөж байна. Таны хувьд ойрын хугацаанд удаан хүлээж байсан үр дүнд хүрэх боломж гарч ирэх бололтой. Сарын сүүлээр эрүүл мэндийн асуудал хамгийн ойр дотнын хүнд тань тулгарах бололтой. Ганцаар шийдвэрлэж хүч хүрэхгүй бол бусад гэр бүлийн хүмүүсээс дэмжлэг аваарай. Эрт үед нь арга хэмжээ
