Яруу найрагч Я.Бадамсүрэнгийн шүлэг, ая зохиогч Н.Баасандоржийн хөгжим “Хосын хорвоо” дууг мэдэхгүй хүн үгүй. Олон сайхан хосуудын хайр сэтгэлийн илэрхийлэл болсон энэ дууг хэн хэн, хэрхэн дуулсанг сонирхоцгооё.
Уг дууг хамгийн анх ая зохиогч Н.Баасандорж, Ц.Түмэнжаргал нар дуулж амилуулсан байна. Тухайн үед уран бүтээлчид нэгэн гэр бүл байсан.
Үүний дараа дуучин Б.Пүрэвдагва, Д.Батцэцэг нар дуулжээ.
Нийтийн дууны дуулиант хосууд болох Б.Болд, Х.Мөнгөнцэцэг нар “Хосын хорвоо” дууг шинэчлэн дуулж хамтарсан “Хайрлая” тоглолтондоо дуулсан байдаг.
Хослон амьдрах тавилантай энэ орчлонд “Хосын хорвоо” дууг гэр бүлийн хос дуучид, хослон дуулдаг уран бүтээлчид л дуулах ёстой юм шиг боддог нэгэн байхыг үгүйсгэхгүй. Харин энэ ойлголтыг эвдэн дуучин О.Хонгорзул уг дууг ганцаараа дуулсан юм. Энэ бол “Хосын хорвоо” дууг ганцаар дуулсан, хамгийн сүүлийн хувилбар билээ.
Хослон амьдрах заяаг бүтэн болгон ерөөсөн “Хосын хорвоо” дууг хэн сайн амилуулсанг та бүхэн дор бүрнээ тунгаах биз ээ.
