Өөрийн охин, өнчирч хоцорсон есөн дүүгээ өсгөж яваа 21 настай Б.Ариунболорт АНГУУЧ гурван өрөө байр бэлэглэжээ гэсэн мэдээлэл цахим орчинд цацагдсан. Гэвч сайны хажуугаар саар гэгчээр гэгээлэг мэдээг үгүйсгэх, харлуулах мэдээллүүд цацагдаж байна.

Анх Б.Ариунболор түүний есөн дүүг байртай болгох сайн үйлсийн аянг мөрөөдөл группийн админ Дука эхлүүлжээ. Дукагийн аянд нийт 27 сая төгрөг цугларсан бөгөөд түүн дээр нэмж Ангууч, Мөөгий болон Х.Мөнхжин нар “Almighty” арга хэмжээг зохион байгуулж тус арга хэмжээнд цугларсан мөнгийг 100 хувь түүний байранд зарцуулахаар болсон.

Энэхүү аяныг долдугаар сарын 29-ны өдөр буюу Ангуучийн төрсөн өдрөөр зохион байгуулсан гэдгийг мэдэхгүй хүн ховор байх.Харин өнөөдөр хандивын аянг анх эхлүүлсэн Дука цахим хуудаснаа Ангуучид хандан “Өөртэй чинь холбогдох гээд чадахгүй юм.Комент бичихээс өөр арга алга.Надад асуулт байна хариулаад өгөөрэй.Нөгөө 9н дүүтэй Ариунболор охиныг байранд оруулах юу болсон бэ?тэр талаар мэдээлэл хүмүүст өгөх арга байна уу?Та хоёр аль аль нь чимээ тасарчих юм.Сайхан сэтгэлээр хамтдаа нэгдэж тусласан ард түмний хандив тусламж эзэндээ хэзээ очих вэ? Уг нь аль цагийн дуусчих ёстой байсан.

 

Ариунболор охиноос нилээн дээр асуухад Ангууч ах мэднэ гэх юм.Одоо бараг жил боллоо.Байр нь ашигдалтанд ороод дуусаагүй юу? өөрийн чинь дансаар цуглуулсан 20-иод сая төгрөгийг тэр хүүхдүүдэд албан ёсоор өгсөн үү?Яг ямар шатанд яваа талаар дэлгэрэнгүй пост оруулахыг бодоорой .Хүмүүс 9н дүүтэй Ариунболор охиныг байрандаа орсон уу?гэж их асууж сураглаж байна.Тэр талаар өөрөө дэлгэрэнгүй мэдээлэл хүргэхийг бодоорой.Удахгүй сайхан мэдээ сонсоно гэж итгэж байна” гэжээ.


Харин Ангууч хариуд нь “ Чи одоо яг мэдрэл муутай юмуу эсвэл тийм их attention авах хүсэлтэй хүн юмуу? Чи надруу нэг ч залгаагүй битгий попроод бай.Байранд оруулах гээд байр нь короно гээд хойшилсон ч одоо маш хурдацтай ашиглалтад орох гэж байгаа бид нар оруулна гэсэн бол оруулна санаа зоволтгүй.Чи л харин дунд нь балай юм ярьж завсар зайгаар нь хүмүүст буруу сэтгэгдэл үлдээж сайхан сэтгэлийн зүйлийг харлуулаад байх хүүхэн бололтой.Битгий надруу ахиж бич баяртай” гэжээ.