Дархан-Уул аймгийн 1-р сургуулийн хөдөлмөрийн багш н.Долгорсvрэн бvх ангийн сурагчдадаа зориулж 900 маск өөрөөсөө материал гарган оёсон тухай мэдээлэл өнгөрсөн онд нийгмийн сүлжээгээр тархсан.
Энэ талаарх мэдээллийг БШУ-ны сайд Л.Энх-Амгалан Твиттерээс олж хараад уг багшийг урамшуулахаар болсон талаараа мэдээлжээ.
Тэрбээр “Ийм л зөв сайхан сэтгэлтэй хүмүүс манай боловсролын байгууллагад олон ажиллаж байна. Сэтгэл, зүтгэлтэй багшийн төлөөлөл Долгорсүрэн танд Боловсрол, шинжлэх ухааны сайдын нэрэмжит анхны шагналаа олгож, урамшуулахаар болсныг уламжилж байна. Хуртай өдөр гоё мэдээ уншсандаа баяртай байна.
Цар тахлын эсрэг хамтдаа зогсож, шинжилгээ сөрөг, сэтгэл нь эерэг нийгмийн төлөө манай салбарынхан энэ жишээ мэт манлайлах учиртай.” хэмээн бичжээ.
