Короновирус цар тахлын улмаас өдөрт 20 орчим иргэн амиа алдаж байгаа хүндхэн нөхцөл байдал манай улсад нүүр тулаад байна.
Энэ үед дүүрэг, хороод өөрсдийн судалгааг үндэслэн зорилтот бүлгийн иргэддээ тусламжийн барааг олгохын Нийслэлийн онцгой комиссоос шийдвэрлэж, төсөв хувиарлажээ. Тус тусламжийн барааг нийслэлийн бүх дүүргүүд хүлээн авч, иргэддээ хуваарилж эхэлсэн байна.
Тэгвэл уг тусламжийн талаар сошиалын “Коронавирусын халдвар авсан, ковид туссан хүмүүсийн мэдээлэл солилцох групп”-т “Налайх дүүрэг лав өгдөг гэнэ. Хорооноосоо асуугаарай, энийг авах гэсэнгүй. Хэрэгтэй хүмүүст нь хүрч байгаа л байхдаа” гэх постууд хөвөрч эхэлжээ.
Иргэдийн мэдээллээр, Налайх дүүрэг, хороодын удирдлагууд уг ажлыг маш сайн гүйцэтгэж буй бөгөөд яг авах ёстой хүмүүст нь хүргэж байгааг дурьдсан байна. Тус тусламжийн бараанд 20кг гурил, 5кг цагаан будаа, 2 кг элсэн чихэр, 2ш махны нөөш, 1ш ургамлын тос, ногоон цай 1 ш, давс 1 ш зэрэг багтсан байгаа аж.
Тусламжийн энэхүү багц нийслэлийн 9 дүүргийн 19530 өрхөд өгөх тооцоо судалгаа гарчээ. Тэдгээрээс 1300 өрх нь Налайх дүүргийн өрх ажээ. Харин бусад дүүрэг, хороод зорилтод бүлгийн иргэддээ хүргэж байгаа эсэх мэдээлэл одоогоор хомс байна.
