Монгол Улсад орчин цагийн цагдаагийн байгууллага үүсэж, хөгжсөний түүхт 100 жилийн ойг тохиолдуулан албан үүргээ гүйцэтгэж яваад баатарлагаар амь эрсэдсэн алба хаагчдын гэгээн үйлсийг мөнхжүүлэх “Бид мартахгүй” хөшөөг Үндэсний цэцэрлэгт хүрээлэнд сүндэрлэсэн.

Хөшөөг ямар хэлбэртэй байх талаар уран бүтээлчид дунд уралдаан зарласан юм.Тус
уралдаанд 30 гаруй уран бүтээлчид оролцжээ.

Уралдаанд Монголын урчуудын эвлэлийн гишүүн, зураач, барималч, Монгол Улсын соёлын тэргүүний ажилтан Ж.Дүүрэнтөгс шалгарсан.

“Бид мартахгүй” хөшөөг бүтээхэд өөрийн мэдлэг, ур ухаан, авьяас билэг, хөдөлмөр бүтээлээ харамгүй зориулсан Монголын урчуудын эвлэлийн гишүүн, зураач, барималч, Монгол Улсын соёлын тэргүүний ажилтан Ж.Дүүрэнтөгс болон хөшөөг санаачлагчид ярилцлага өгчээ.