– Сайн байна уу? Нэг хэсэг ажлаа хийхээ больсон. Яагаад?
-Сайн байна уу? Нийгмээс хэсэг хугацаанд тусгаарлагдаж, үйлийн үрийн хүлээснүүдээ цэвэрлэн, самади буюу гүн бясалгалд хоёр жил болсоон. Тэгэх ч шаардлагатай байлаа. Ертөнцөд хором тутам аливаа оршихуй, хэмжээстүүд хүртэл өөрчлөлтийн эрчмээр давлагаалж байдаг. Өнгөрсөнтэй аль болох бага зууралдаж байж, өөрчлөлт шинэчлэлт ирнэ шүү дээ.
– Карма буюу үйлийн үр гэсэн болохоор асуумаар санагдлаа. Үйлийн үрийг цэвэрлэж болдог уу? Хар домын үйлээр кармаг шатаах боломжтой юу?
-Тийм ээ. Юуны өмнө хүний явах зам мөр өөрөөс нь их хамаарна. Дотоод хүч өндөр бол сүнсний зам мөр замаасаа хазайлгүй явдаг. Хар домын үйлүүд хийхээ багасгасан. Хар домын үйл дотроо хүнд хор хохирол учруулах үйлүүд бүгд төстэй. Анх зан үйл хийж эхэлж байхад нийлэх ёсгүй сүнсний холбоосгүй хүмүүсийг холбох мэтийн үйл хийж алдаж онож явсан үе бий. Мэдээж хүний ухамсарт сайн үр тарихын тулд хар домын үйл хийж бол болно. Удахгүй ийм төрлийн асуултуудад Фэйсбүүкээр лайв хийж хариулт өгнө. Аливаа үйл хийхэд, бүтээхэд дотоод хүч гал махбодын эрчим маш цэвэр бас багтаамж ихтэй байх шаардлагатай. Үйлийн үрийг бясалгал, долгион авианы эмчилгээ болон бусад заслуудаар заавар удирдамж дагаж хэрэгжүүлснээр үйлийн үрийг шатаах боломжтой.
-Бясалгалын дараа үзлэг хийж эхэлсэн үү? Таван махбодын хамгаалалт, эрчмийн засал бас хийж байгаа юу?
-Одоогоор ажлаа эхлээгүй, үзлэг хийгээгүй л байна. Түрүүн хэлсэнчлэн дотоод хүч, дээд хүчний саван дахь эрчмээ хуримтлуулж байгаа гэх үү дээ. Дөрвөн сар гаргаад эхлэх байх. Дээд хүнчээс ирсэн мэдээллийг дагуу, мөн хүн төрөлхтөнд тус дэмтэй судрууд бүтээж байна. Миний хийдэг таван махбодын хамгаалалт, эрчим сэргээх засал, авшиг хоёр хоорондоо уялдаатай. Тэр талаар аяндаа тодорхой зүйлс бий болно.
-Таны пэйж хуудсан дахь зурагт мэдээллүүд бүгд далд утгатай юм шиг санагддаг. Бадамжунай багшийн зураг ямар учиртай юм?
-Далд утга агуулсан, далд ухамсар кодлох үйлд хэрэгтэй дээд хүчнээс ирсэн мэдээллүүд байдаг даа. Хүмүүсийн юмыг хүлээж авах сувагт нэвтрэх долгионы хэмжүүр өөр. Бэлэнчлэх сэтгэлгээ сүнсний зам мөрийг удаашруулах боломжтой. Таны асуусан Д.Бадамжунайн зургийн талаар тайлбарлах боломжгүй ээ.
Аливаа зүйлийн оньсыг тайлж байж бодит туршлага, ухамсар суудаг цөвүүн цаг ийм үед бид амьдарч байгаа билээ. Тодорхойгүй байдлаас үүсдэг айдас эргэлзээн дээрээс үүдэж хүмүүс логикоор сэтгэн зөн билэг, оршихуйн ухамсарт төлөвөө улам гээсээр байна. Аливаа үргэлжилсэн харанхуй шөнийн дараа үргэлж нар гардаг нь орчлонгийн жам юм даа..
-Цаг гарган ярилцсан танд баярлалаа.
Уншигч та зөн билигтэн, сүнсний зам мөрийн мастер, хөвсийн долгионы далд ухамсар кодлох эмчилгээний багш, энергийн эмчлэгч Димаа овогтой Мягмарбаяртай холбогдохыг хүсвэл ЭНД ДАРЖ цахим хуудсаар дамжуулан холбогдоно уу.
