Үзэгчдийг байлдан дагуулсан “37-р точка” киноны Сувдаагийн дүрийг бүтээсэн жүжигчин У.Уянга өмнө нь “Сайн уу, амьдрал минь” киноны хоёрдугаар ангид гол дүр бүтээж байсан түүнийг Мааз хамтлагийн “Хайр эмзэгхэн” дууны клипэнд тоглож байсныг үзэгчид сайн санаж байгаа биз ээ.
”Мэргэжлийн бус” гэх тодотголтой тэрбээр өнгөрсөн хэдэн сарын хугацаанд нөхөр, хүүгийн хамт АНУ-д амьдарч байсан юм. Харин тэрбээр өдгөө хүүгээ дагуулан эх орондоо иржээ.
Түүний хувьд 2016 онд МУИС-ын Хот бат бүс төлөвлөлтийн ангийг дүүргэсэн бөгөөд мэргэжлийн ажлаа хийхийн хажуугаар “Би дурламаар байна”, “18 нас би чамд хайртай”, “Киносутра” зэрэг хэд хэдэн кинонд туслах болон гол дүр бүтээсэн байдаг.
Ялдамхан төрхтэй энэ бүсгүйн нөхрийг Б.Санаа гэдэг. Хосууд нэг хүүтэй бөгөөд өөрсдийгөө “хорвоогийн хамгийн аз жаргалтай хосууд” хэмээн тодорхойлж явсан удаатай.
