МУАЖ Ш.Чимэдцэеэд туслах аян эхлүүлжээ
МУАЖ Ш.Чимэдцэеэ гэр бүлийн хүн гэгдэж явсан МУАЖ уртын дуучин Д.Түвшинжаргал нар хамтран амьдраад багагүй хугацаа өнгөрсөн. Харамсалтай нь МУАЖ уртын дуучин Д.Түвшинжаргал шавьтайгаа хамтран амьдарч, хүүхэдтэй болж, улмаар гэр бүлээ цуцлуулахаар болсон аж. Улмаар гэрлэлт цуцлуулахад бүх хөрөнгийг гэр бүлийн хоёр тал талаар нь авах шүүхийн шийдвэр гарсан бөгөөд хөрөнгийг үнэлсэн юм. Үүний улмаас МУАЖ Ш.Чимэдцэеэ эцэг эхээс өвлөгдөн ирсэн үнэт эдлэл, тоглолтын хувцас, гэр орноо алдахад хүрч, ард түмнээсээ тусламж хүссэн.
Үүнтэй холбоотойгоор Монгол улсын АРДЫН ЖҮЖИГЧИН Шарын Чимэдцэеэ дуучиндаа туслахаар Сүхбаатар нутгийн бүсгүйчүүдийн төлөөлөл нэгдэн “АРДЫН ЖҮЖИГЧИН ШАРЫН ЧИМЭДЦЭЕЭД ТУСАЛЦГААЯ ХАНДИВЫН АЯН” – г эхлүүлсэн байна. Сүхбаатар нутгаас гаралтай Англи, Америк, Япон, Швед, Солонгос улсад ажиллаж амьдарч байгаа бүсгүйчүүдийн төлөөлөл болон Сүхбаатарын нутгийн бүсгүйчүүдийн дуу хоолой нэгджээ.
Аяныг санаачлагчид “Алтан тал нутгийн охин аймаг тив алгасан “Уяхан Замбуутивийн наран”-гаа шуранхайлж, уудам Монгол эх орондоо хөндлөн гулд давхиж “ТЭНГЭР ЭЭЖ МИНЬ ӨРШӨӨ “ дуугаараа эх дэлхийгээ аргадаж, Ардын өв соёл уламжлалаа тээн ардын дуугаараа ард түмнийхээ сонорыг мялааж, зохиолын олон олон сайхан эгшиглэнт бүтээлээрээ зон олноо уярааж ухааруулж эх орондоо үнэтэй хувь нэмрээ оруулж хийдгээ хийчихсэн төрдөө УРЛАГТ бүх л насаараа зүтгэчихсэн түмний хайр хүндлэлийг хүлээсэн гавьяатай хүн билээ.
Хүний амьдралын нарийн ширийнийг бид шүүх эрхгүй ээ!
Хүнлэг бус эрийн увайгүй занг ч бид хүлээн зөвшөөрөх албагүй ээ!
Төр улс нь АРДЫН ЖҮЖИГЧИНГЭЭ анхааралдаа аваасай гэсэндээ
Төрсөн нутгийнх нь бүсгүйчүүд дуу хоолойгоо сэтгэлээ нэгтгэн АРДЫН ЖҮЖИГЧИНГЭЭ ӨМӨӨРЧ БАЙНА.
Дүрэлгэр алаг нүдэнд нь дэндүү их гуниг хуржээ
Дэвэргэр өд мэт сормуусанд нь даанчиг их нулимс шингэжээ
Дарь гангийн жаахан дагина минь
Домог мэт амьдарсан бүсгүй минь
Дуунд чинь уярдаг ард түмэн чинь
Дэргэдээс чинь түшээд авнаа.
Алтан Дарьгангын түмэн чинь аймаг хотлоороо дэмжнээ
Ардын сайхан жүжигчингээ улс Монголоороо түшнээ
Ардын дууны Алгирмаа шиг амбан ноёнд алдахгүй ээ
Аз жаргалтай дүүрэн түвшин амгалан цаг тун удахгүй ирнээ.
Хүчтэй байж дуугаа дуулаарай
Хөөрхөн алаг нүдэндээ гуниг бүү тээгээрэй!
Нутгийн олон бүсгүйчүүд нэгдэж “АРДЫН ЖҮЖИГЧИНДЭЭ ТУСАЛЦГААЯ “ хандивын аяны хүрээнд Ардын жүжигчин Ш. Чимэдцэеэ эгчийн нэр дээр данс нээх боломжгүй учраас ХААН БАНКНЫ: 5000747863 тоот Ренчиндорж Энхтуяа нэртэй дансанд төвлөрүүлэхээр шийдсэн болно.
Ард олон минь АРДЫН ЖҮЖИГЧИНДЭЭ сэтгэлийн халуун илчээ илгээхийг уриалж байна.
Амьдад нь түүнийг хайрлаж ард олноороо түшээд авъя МОНГОЛЧУУДАА!” хэмээн тайлбарласан байна.
