Монголын хошин урлагийн жүжигчид дундаас өөрийн нүүр царай, байгаа байдлаа имиж болгон ашиглаж амжилтад хүрч байгаа цөөнгүй жүжигчдийн нэг нь “Мөрөөдлийн театр” продакшны жүжигчин олноо “бүдүүн” хэмээн алдаршсан Ганбаа.
Тэрээр өнөөдөр 36 нас хүрч байна. Хэдэн хоногийн өмнө найзууддаа бэлгэндээ гитар авхуулна гэж “урвагнаж” байгаа харагдсан. Баян айлын эрх бацааныг санагдуулам төрхтэй түүний найзууд нь биелүүлэх нь дамжиггүй.
Хэвлэл мэдээлэлд тэр бүр ярилцлага өгөөд байдаггүй Ганбааг ойр дотныхон нь бүрэг ичимхий, нэрлэхүү нэгэн гэдэг.
Хүүхдэрхүү төрх гарган жүжиглэдэг түүнийг шар хэвлэлүүд эхнэр хоёр хүүхдээ хаяад мөнгөтэй хүүхэн дагаж явсан хэмээн цоллодог байсан.
Гэвч уг асуудалд Ганбаа эр хүний буурь заан, хэл ам хийлгүй хов живийг намжаасан түүхтэй.
