Өөрийнх нь амь дээсэ н дөрөөн дээр дэнжигнэ ж байгаа ч, эмч хүний ёсзүй, хувь хүний итгэл үнэмшлээр өөрийгөө үл хайхран өрөөлийн бяцхан үрсэд амьдрал бэлэглэж яваа хүн бол Б.Болдсайхан эмч.
Ходоодны хор т хавдрын хагалгаа нд ороод удаагүй байгаа тэрээр өдгөө орон нутгаар явж “Зүрх мартахгүй” төслийнхөө ажлыг хийж яваа. Эрэлхэг зоригтой энэ эмчийн ард Д.Энхцэцэг хэмээх “хүчирхэг” бүсгүй бий. 30 жилийн амьдралаа хамтдаа өнгөрүүлсэн тэд үлдсэн хором бүрдээ хамт байхыг хичээх болсон гэнэ.
Б.Болдсайхан эмч өөрийн цахим хуудаснаа “Ами амидралаа зориулах эх оронтой, үрстэй, ээж аав, бүсгүйчүүдтэй, ард түмэнтэй, соёл, хэл, түүхтэй, нутагтай байх сайхан… зөвхөн өөрийн төлөө, хувийн амидралын төлөө, ами зуухын тулд амидрах уйтай… эртний хуучин үзэл байж болох ч би тэр үеийн л хүн учир …” гэжээ.
Д.Энхцэцэг бүсгүйн хувьд М-Си-Эс группийн Удирдах зөвлөл дэх долоон Дэд ерөнхийлөгчийн нэг нь. “Топ мебель”-ийн эзэн гэдгээрээ бизнесийн хүрээнээс анх танигдаж байсан тэрбээр өдгөө үндэсний том группийн үйл ажиллагаанд хувь нэмрээ оруулж байна.
Тэрчлэн бизнесийн талбарт үнэлэгдэж яваа түүний талаар саар мэдээлэл төдийлөн гараад байдаггүй. Харин түүний нөхөр эмч, нийтлэлч Бундангийн Болдсайхан найзуудынхаа хамт “Сонгдо” эмнэлгийн хувьцааны дийлэнхийг худалдаж авсныг эхнэртэй нь холбон ярьдаг.
Ямартаа л “Сонгдо” эмнэлгийг Б.Болдсайхан аваагүй. MCS компани авсан. Аваад түүнд бэлэглэчихсэн. Эхнэр нь захирал болохоор нөлөөлсөн гэхчлэн яригдсан юм.
Б.Болдсайхан эмч энэ мэдээллийн хариуд “…би бараг зургаа, долоон жил “MCS”–ийн эмнэлгийн төсөл дээр ажилласан. Эхэндээ их идэвхтэй явсан. Тэгж байтал дэлхийн эдийн засгийн хямрал болоод эднийхэн төслөө түр зогсоосон, би ч хөндийрсөн. Одоо дахин сэргээж байгаа юм билээ. Бүр хамтрагчаа олчихсон төслөө бэлдэж байгаа гэсэн. Харин Сонгдо бол “MCS”-тэй ямар ч холбоогүй.
Хэвлэлд гарсан шиг эмнэлэг бэлгэнд авах гавьяаг тэдний өмнө би байгуулаагүй. Манай гэр бүлийн хүн “MCS”-д ажилладаг нь л шалтгаан болдоггүй юм бол тэд ч надад эмнэлэг авч өгөх өргүй. Эхнэр маань ажилладаг учраас би “MCS”-ийн ихэнх захирлыг танина, найз нөхдийн холбоотой” гэж байсан.
