Ямарч улс оронд нохойг тэжээж нэг ёсны гэрийн хамгаалагчаа болгодог. Сайн нохой гэр бүлд амар тайван, эерэг уур амьсгалыг өгдөг бөгөөд эмэгтэй хүн, хүүхэд ганцаараа байх үед нохой хамгийн сайн хань болдог гэнэ. Нохой эзнээ унтахаас нааш унтдаггүй аж. Тиймдээ ч эмэгтэйчүүд нохойг тэжээх нь ихэссэн. Түүний учрыг асуухад нэгэн бүсгүй “Ганц бие бүсгүйчүүдэд том нохой их түшигтэй, бараг эр хүнийг орлоно” гэж хэлсэн байна.
Тэгвэл монголын олны танил хүмүүсээс хэн хэн нохой тэжээдгийг сонирхоё.
Загвар өмсөгч Цэкү
Монголын загварын ертөнцөд өөрийн авъяас гоо үзэсгэлэнгээрээ ялгарч гарч ирсэн бүсгүй бол загвар өмсөгч Цэрэндолгор. Нэгэн хэсэг бүжигчин Kia-тай үерхэж байсан тэрээр өдгөө нохой тэжээх болсон. Өөрийнхөө үнэнч андыгаа өдөр бүр салхилуулдаг гэж байгаа. Өдгөө 23 нас хүрч буй бүсгүйг энэ бяцхан нь хамгаалдаг гэсэн.
Дуучин Маралжингоо
30 насны босгыг хэдийнэ алхсан дуучин Маралжингоо муур, нохойны үнэнч анд. Дөн өвлийн хүйтнээр гадаа хаягдсан муур, нохойг бөндийтөл нь арчилж байгаад сайн эзэн олж өгдөг ачлал гавъяатай “охин”. Өөрийнхөө бяцхан нохойнд ямарч найзаасаа илүү сайн ханддаг тэрээр айлын эзэгтэй болоход бэлэн гэсэн шүү.
“Жигүүр Гранд”-ын бага хатан Онон
Нохойг ганц бие бүсгүйчүүд тэжээдэг гэж бүү эндүүрээрэй. Нохойг хүүхэд хүмүүжлийн талаасаа тэжээж, хайрладаг бүсгүйчүүд бас бий. Зүгээр ч нэг нохой биш хэдэн мянган ам.долларын үнэтэй нохой тэжээдэг гээд боддоо. Тэдний нэг “Жигүүр гранд” группын бага хатан Онон. Түүнд муур нохой аль аль нь бий. Өөрөө муураа эрхлүүлэх дуртай, харин хүүхдүүд нь нохойг нь илүү эрхлүүлдэг гэсэн.
Б.Идэр-Одын энхрий хайрт Халиун
Комедиан Б.Идэр-Од нэг л өдөр найз охиноо олны өмнө гаргаж, элдэв бүсгүйчүүдийг крашлахгүй байхыг хүссэн. Түүний найз охин Халиун нохойны хоббитой. Бараг л найз залуугаасаа илүү нохойндоо хайртай байх гэмээр зурагнуудыг стори дээрээ оруулдаг. Магадгүй Идэр-Од тэр зан чанарт нь ч татагдсан юм бил үү хэн мэдлээ. Эрчүүд чинь өөрийг нь тоодоггүй, анхаарлаа хандуулдаггүй “муу охид”-ын араас хөлөө хугалчих шахам гүйдэг биз дээ…
