Их, дээд сургуулийн сургалтын төлбөр болон оюутны байрны төлбөрийг нэмэхгүй байх чиглэлийг БШУЯ барьж байгаа. 2010 онд төрийн өмчийн их, дээд сургуулиудын оюутны дотуур байрны төлбөр 170-220 мянган төгрөг, хувийн сургуулиудынх 170-300 төгрөг байжээ. Одоогийн байдлаар оюутны байрны үнэ ойролцоогоор гурав дахин нэмэгдсэн байна.
Энэ жил оюутны дотуур байрны төлбөр 450-700 мянган төгрөгийн хооронд байгаа гэж БШУЯ-ны сайд мэдээлсэн. Тэгвэл оюутны дотуур байрны төлбөр 400 мянгаас 1.8 сая төгрөгийн хооронд байна. 2021-2022 оны хичээлийн жилд 88 их, дээд сургуульд 147 мянга гаруй оюутан суралцана. Үүнээс дунджаар 11 мянга гаруй нь оюутны дотуур байранд амьдарна. Жил бүр хөдөө орон нутгийн оюутнуудын дунд оюутны байрны хүрэлцээ, төлбөрийн асуудал яригддаг. Тэгвэл энэ жил оюутны байруудын төлбөр ямар байгааг сонирхоцгооё.
МУИС
Дөрвөн хүн амьдардаг засвартай байр 780 мянган төгрөг, засваргүй байр 600 мянган төгрөгийн үнэтэй байна. Харин хоёр хүн амьдардаг байр нь 1.5 сая төгрөг. Оюутны байрны бүртгэл есдүгээр сарын 1-9-ний хооронд “Сиси” системээр явагдана.
ШУТИС
Дотуур байрны бүртгэл хэзээнээс эхлэх нь тодорхойгүй байна. Жилийн төлбөр нь 400 мянган төгрөг.
МУБИС
1, 2, 4 дүгээр байрны төлбөр адилхан 430 мянган төгрөг. Нийт таван оюутны байраас гадна “Оюутны өргөө” 1, 2 дугаар байраг хариуцдаг. “Оюутны өргөө” тусдаа үнэтэй бөгөөд дөрвөн ортой өрөө нь 850 мянган төгрөгийн үнэтэй байна.
СУИС
Жилийн төлбөр 700 мянган төгрөг. Бүртгэл хэзээнээс эхлэх нь тодорхойгүй байна.
ХААИС
Хуучин дотуур байр нь 550 мянган төгрөг бол шинэ нь 600 мянган төгрөгийн үнэтэй байна.
Этүгэн
Тус сургуулийн оюутны дотуур байрны бүртгэл наймдугаар сарын 20-нд эхэлсэн. Дөрвөн хүний өрөө 900 мянган төгрөг, хоёр хүний өрөө 1.8 сая төгрөгийн үнэтэй байна.
Их засаг ОУИC
Оюутны байр нь 500 оюутан хүлээн авах чадалтай. Өрөөний хэмжээ, орны тооноос хамааран 500 мянга болон 950 мянгөн төгрөгийн үнэтэй.
