Бид өвддөг. Их, бага, хүнд хөнгөн ямар нэг хэлбэрээр бид өвддөг. Харин түүнийг даван туулах нь бидний хувьд өөр өөр байдаг. Мэдээж хэрэв та өвдсөн бол юуны өмнө эмчид хандаж, шаардлагатай эмийн болон туслах эмчилгээнүүдийг яаралтай хийлгэх нь зүйтэй.
Гэхдээ богино хугацаанд өвчнөөсөө салахын тулд танд хамгийн хүчтэй туслагч тань таны далд ухамсар байх болно. Хачин сонсогдож магадгүй ч та өөртөө эдгэрэхийг “ТУШАА”. Өвчтэй хэвтэж байхдаа хамгийн хайртай хүн, тэжээвэр амьтан, бүүр тасалгааны ургамал байсан ч болно. Чухам таньгүйгээр амьдарч чадахгүй тэднийхээ төлөө та өндийж босохыг өөртөө ТУШААХ хэрэгтэй. Тэгвэл таны далд ухамсар үүнийг программчилж, таныг түргэн эдгэрэхэд туслах болно.
Биднээс 1000 жилийн өмнө амьдарч байсан гүн ухаантан Сенекаг санацгаая. Тэрээр бага залуу наснаасаа л хүнд өвдөж байсан. Хэвтэрт байхдаа тэр амьдралын тухай түмэн зүйлийг баясалгахаас гадна өөрийг нь хайрлан асарч, хэзээ эдгэрэхийг нь хүлээж суугаа хөгшин эцгийгээ өрөвджээ. Тэгээд Сенека аавынхаа төлөө өөртөө эдгэрэхийг тушаасан юм. Тэрээр хайр энэрэл, зуны нарлаг өдөр, цэцэгсийн сайхан үнэр, оддын гялбаа, зөөлөн салхи гээд сайн сайхан бүхнийг бодож, эдгэхийн төлөөнөө бүх зүрх сэтгэлээрээ тэмцэж эхэллээ. Энэ тэмцэлд Сенекагийн далд ухамсар ялалт байгуулж, тэрээр эдгэрэн босож аавынхаа хүлээлтийг гүйцээсэн.
Өөр нэг чухал зүйл бол өвдсөн үед чинь чамайг эргэж, тойрон байгаа хүрээлэлдээ өвчнийхээ хэцүүг ярихгүй байх. Харин тэгэхийн оронд ирээдүйн аялал, эдгэрээд гэр бүл, найз нөхдийнхөө хамт хийх сайхан зүйлийнхээ талаар итгэл дүүрэн ярилцаарай. Тэд таныг өвдсөн гэдгийг ойлгож, дэмжиж байгаа хүрээлэл шүү дээ. Уншигч та миний өмнөх зөвлөгөөг санаж байгаа бол тангы хамгаалдаг 7 хүчний талаар бид ярилцсан. Тэр 7 хүчний нэг нь хүрээллийн хүч буюу найз нөхдийн харилцааны хүч юм. Тиймээс таныг дэмжиж хамгаалдаг, таныг цэнэглэж байдаг энэ хүчийг өөрийн биеийн байдлын хүнд мэдрэмжээрээ “цэнэглэх” хэрэггүй. Учир энэ цэнэг эргээд таныг цэнэглэдэг гэдийг анхаараарай.
Дараагийн чухал хүчин зүйл бол мэдлэгт тэмүүлэх. Өвчтэй байхдаа ч цаг ашиглан ном уншиж, өөртөө хэрэгтэй мэдлэгийг цуглуулаарай. Энэ үед таны тархи таныг ирээдүйд амьдрахаар бэлтгэж байна гэдгийг төвөггүй ойлгоно.
Анхаарлаа чөлөөл. Зөвхөн өвчиндөө бүү анхаар. Өөрт чинь сайхан санагддаг өөрийнхөө дуртай зүйлийг чадахаараа хий. Амттан бэлтгэх, аялалын төлөвлөгөө зохиох, загвар зохиох, цамц нэхэх гээд өөрт чинь таатай санагддаг ямар ч хамаагүй зүйлээ хийгээрэй. Харин өвчнийг зүгээр л мартаж орхи.
Өөрийгөө үнэлэх үнэлэмжээ нэмэгдүүл. Өөрөөр хэлбэл өөрөөрөө бахарх. Хэзээ та хүнд тусалсан бэ, тэнэмэл нохойг хооллосон уу?, гуйлга гуйж буй нэгэнд халуун хоол өгсөн үү?, тэвдэж яваа үл таних хүнд өөрөөн боломжоор тусалсан уу? гэх мэт та өөрийнхөө хийсэн сайн зүйлийг жагсааж бичээрэй. Та хичнээн сайн сайхан зүйлийг бусдад өгч чадсан байна вэ? Тийм ээ, та түүгээрээ бахархаж, өөрийгөө үнэлээрэй. Энэ таны сайн үйлсийн бахархал танд эдгэрэх, амьдрах хүчийг өгөх болно.
Өвдсөн үедээ эдгээр 5 зүйлийг санаарай. Танд ямартай ч тус болно.
Та бүхэндээ эрүүл энх хамгийн сайн сайхныг хүсье.
Сэтгэл зүйч, философич Анна Кирьянова
