Чингисийн одонт, МУГЖ дуурийн дуучин Г.Ариунбаатар спортоор бол олимп, дэлхийн аварга болсон дэлхийн шилдэг баритоны нэг. ОХУ-ын Санкт-Петербургийн Марийнский театрт дуулж байгаа.
Хөл хорионы өмнөхөн ОХУ-ыг зорьсон тэрээр тайлан тоглолтоо амжилттай тоглож, багш болон хамтран дуулагчаа цахим хуудаснаа алдаршуулжээ.
Харин түүний гэргий жүжигчин Б.Баярмаа нөхрийнхөө уг сторийг өөр дээрээ шэйрлэж, нөхрөөрөө бахархаж, баясаж байгаагаа илэрхийлээд авсан байна.
Дөнгөж 30 гаруйхан насандаа хүний өөрийн нийлсэн 7 хүүхдийн эцэг эх болсон тэд нэг нэгнээ гэх хайр, итгэл, сэтгэл гал халуунаараа байгаагаа үүгээрээ илэрхийлэх шиг мэдрэмжийг дагагч найзууддаа төрүүлэх ажээ.
Тэдний өнгөрсөн амьдралыг сөхвөл, Г.Ариунбаатар 25 насандаа хоёр ч бүсгүйгээс хоёр хүүтэй болсон. Арван жилийн сурагч үеэсээ дотноссон охин анхны хүүг нь төрүүлж, удаах хүүг нь нижгэр хурим хийж гэрлэсэн З.Туяа гэдэг бүсгүй төрүүлсэн.
Г.Ариунбаатарын алдар нэр түгж, гавьяа шагнал гардахын хэрээр хувийн амьдрал нь уруудаж, эхнэр нь цагдаад өгч, алдарт дуучин эрүүгийн хэрэгт холбогдон яллагдагчаар татагдсан удаатай. Эхнэр нь хувийн чатыг нь тл гаргаж, эр нөхрөө эвгүй байдалд оруулсан. Нэгэнт цав суусан амьдрал удаан үргэлжлээгүй.
Харин МУГЖ Г.Ариунбаатар 2016 оноос жүжигчин Б.Баярмаатай хамт амьдарсан. Б.Баярмаа өмнө ь мөн л Ариука нэртэй нөхөртэй, гурван охинтой, гаднаасаа сайхан гэр бүл гэгддэг байв. Б.Баярмаа сайн ч жүжигчин, сайхан ч бүсгүй, нөхөр, гурван охиноо асрахын зэрэгцээ олон киноны гол дүрд тоглосон. Мөн 2014 онд “Плэйбой” сэтгүүлээс шалгаруулсан санал асуулгаар Монголын хамгийн сайхан хүүхний нэгдүгээрт шалгарч байлаа. Гэтэл Г.Ариунбаатар, Б.Баярмаа хоёр хамт амьдарснаар, бүсгүй хөшигний ард орж, хайр сэтгэл, амьдралаа олны нүднээс их нууцалдаг. Б.Баярмаа жүжигчний карьераа орхиж, цахим хуудсаа ч устгаж, фэйсбүүк, “инста”-д мөргүй нэгэн боллоо.
Г.Ариунбаатар ч томоожиж, Баярмаа, Ариунбаатар хоёр одоо хоёр хүүгийн аав ээж болжээ. Өмнөх амьдралаасаа Г.Ариунбаатар хоёр хүүтэй, Б.Баярмаа гурван охинтой, дундаасаа хоёр хүүтэй болохоор 7 хүүхэдтэй өнөр бүлийн эзэн, эзэгтэй болжээ.
Таван жил хамтдаа амьдарч, хоёр ч хүүгийн эцэг эх болсон урлагийн алдартай залуусыг одоо буруутгах хүн байхгүй. Харин ч нэг нь өдрөөс өдөрт урлагийн карьер нь өссөөр, дэлхийн шилдэг дуучин боллоо. Б.Баярмаа ч өөрийн жүжигчний амьдралаа золиосолж, Г.Ариунбаатарын найдвартай ар тал болж байна. Түмний нүдээс нуугдалгүй хамтдаа олон нийтийн арга хэмжээнд оролцвол монголчууд сайхан хосыг харж нүдээ баясгах биз ээ.
