Хэзээнээс ном зохиол, үүх түүхэнд “Бурмаа” нэртэй бүсгүйчүүд бал бурам шиг гоо үзэсгэлэнтэй, ааль сайтай, авъяас билэг дүүрэн, амжилт бүтээлтэй явааг дүрслэн өгүүлдэг. Магадгүй тэдний нэрний онцлог хувь тавиланд нь нөлөөлдөгийг үгүйсгэхгүй. Энэ удаад бид монголын салбар салбараас олноо танигдсан Бурмаа нарыг тоймлон онцолж байна.
Дуучин Болдбаатарыг эхнэрээс нь салгаагүй гэдгээ баталдаг ардын дууч Д.Бурмаа
Монголын нийтийн дууны урлагт өндөр гоолиг нуруу туруу, бие хаа, өвөрмөц содон уянгалаг дуу хоолой, гоо үзэсгэлэнгээрээ ялгардаг бүсгүй бол Увс нутгийн унаган охин, ардын дууч Д.Бурмаа.
Урлаг судлаач мэргэжилтэй гэдэг тэрээр оюутан ахуйгаасаа олноо танигдаж, дуу хоолойгоороо Түмэндэмбэрэл агсныг санагдуулж байсан гэдэг.
Түүнийг дуучин Болдбаатартай хамтран амьдарч байсан талаар тухайн үеийн шар хэвлэлүүд бичдэг байсан ч, дуучин бүсгүй энэ мэдээллийг эрс үгүйсгэж “ Нэг нутгийн болохоор үргэлж бие биенийхээрээ орж гардаг байсан. Одоо ч гэсэн маш сайн найзууд. Тэр үед намайг Болдоог эхнэрээс нь салгаж, бүр сууж барих дээрээ тулсэн гэж бичсэн байсан. Гзхдээ бид хоёрын хамтарч дуу хийж байх үеэр Болдоо эхнэрээсээ салсан гэдгийг би хожим мэдсэн. Бодвол тэдний амьдралд болохгүй зүйл байгаад салсан биз. Түүнээс биш би Болдоог эхнэрээс нь салгаагүй гэдгээ ам бардам хэлж чадна. Тэр үед би нөхөртэйгээ үерхэж байсныг Болдоо мэддэг байсан” хэмээн ярьсан байдаг. Түүний нөхөр Улсын начин Б.Насандэлгэр. Тэд гурван хүүхэдтэй.
39 насандаа Олимпын эрх авсан О.Бурмаа
Зуны олимпын XXXII наадмын эрх олгох чөлөөт бөхийн Ази тивийн эрх олгох тэмцээнд энэ сарын эхээр Казахстаны Алматы хотод болсон. Тус тэмцээний 76 кг-д гавьяат тамирчин О.Бурмаа ялалт байгуулж, “Токио-2020” олимпын эрх авсан нь монгол түмний бахархалыг төрүүлээд буй.
Түүний хувьд “Афин-2004”, “Лондон-2012” олимпын наадамд оролцсон, ДАШТ-ий нэг мөнгө, хошой хүрэл медаль хүртсэн бөгөөд өдгөө 39 нас хүрч байгаа юм.
Улаанбаатарын унаган охин тэрээр өдгөө Баянзүрх дүүргийн Цагдаагийн хоёрдугаар хэлтэст ажилладаг тэрээр “Нас бол тоо учраас зоригтой барилддаг” гэж хэлэх дуртай. Тэрээр мөн л гурван хүүхдийн ээж билээ.
Намаасаа “жийгдсэн” сайд асан Р.Бурмаа
АН-ын хүчирхэг лидэрүүдийн нэг явсан Р.Бурмаа өдгөө хувийн бизнесээ эрхлэнгээ эмээгийнхээ үүргийг биелүүлээд улс гэрийн асуудлаас хөндийрөөд буй.
Нэгэн цагт Хүнс хөдөө аж ахуйн сайд явсан тэрээр тухайн үедээ давхар дээлээ тайлж, гишүүний бүрэн эрхээсээ татгалзаж явсан үүх түүхтэй. Түүнийг одоогийн Ерөнхийлөгч Х.Баттулгын хүн гэдэг яриа байдаг.
ХХАА-ын сайд байхдаа улсад 16 тэрбум төгрөгийн хохирол учруулсан гэх яриа байдаг. Үнэн худал нь батлагдаагүй уг яриа гарснаас хойш тэрээр төрийн ажлаас хөндийрч эхэлсэн. Түүнийг АН-ынхан нь “жийсэн” гэх яриа ч байдаг.
“Аргагүй сайхан Бурмаа”Сүүлийн үед сошиалаар “балбуулаад”
байгаа Никитоны Баачка АНУ-аас ирсэн даруйдаа “Аргагүй сайхан Бурмаа” нэртэй дуу гаргаж, рок попын ертөнцөд жинхэнэ бөмбөр тэсэлж байв. Энэ явдал өнгөрөөд хэдийнэ 16 жил болжээ. Тус дууныхаа клипэнд “мөнхийн залуу” топ модель Э.Одгэрэлийг тоглуулсан нь нүдээ олсон явдал олсон.
Топ бүсгүйн ялдам, янаг тачаангуй төрхийг гаргасан тус клип одоог хүртэл моданаас гараагүй л байгаа. Учир нь аргагүй сайхан Бурмаа өнөөдөр ч өөрийнхөө гоо үзэсгэлэнгээр залуусын харцыг булааж, зүрхийг эзэмдсээр байгаа юм.
37-р точкын Бурмаа
Бурмаа нэртэй хүүхнүүд үргэлж үзэсгэлэнтэй, гал цогтой, зоригтой, нөхөртөө үнэнч байдгыг илтгэсэн дүр бол жүжигчин Одончимэгийн бүтээсэн “37-р точка” цувралын дүр.m
Хүнтэй насан туршид хамт байдаг цөөхөн зүйлийн нэг нь нэр. Сайн, муу ямар ч үйл хийсэн хүний нэр хувь заяаг нь тодорхойлдог гэдэг.
