“Single ladies”, “Гацуурхан”, “Биелэгдэшгүй төлөвлөгөө”, “Маш нууц”, “Учрал”, “Сүүлчийн шөнө”, “Тэнгэрээс буусан од” уран сайхны киноны гол дүрийг бүтээсэн соёлын тэргүүний ажилтан, жүжигчин О.Дөлгөөний төрсөн өдөр өнөөдөр тохиож байна.
Тэрбээр Улсын драмын эрдмийн театрын тайзнаа тавигдсан У.Шекспирийн “Ромео Жульетта” жүжгийн Жульеттагийн дүрийг чадварлаг бүтээж, өнгөрсөн жилийн “Гэгээн муза” наадмаас шилдэг эмэгтэй гол дүрийн шагнал хүртсэн. Дараагаар нь АНУ-ын Калифорни мужийн Сан Франциско хотод “Academy of Art university” их сургуульд урлагийн чиглэлээр суралцаж, өнгөрсөн сард төгссөн. Өнөөдөр 28 нас хүрч буй О.Дөлгөөн хамгийн сүүлд “Тэнгэрээс буусан од” уран сайхны кинонд гол дүрд бүтээж, соёлын тэргүүний ажилтан цол, тэмдгээр шагнуулсан юм.
